ئەڤرۆ بەرەیێ “الحوار الوطني” یێ ئیراقی خۆ ژ هەلبژارتنێن ئەڤ سالە یێن پەڕلەمانی ڤەکێشا و “المنبر العراقي” ژی هەمان بڕیار دا.
بەری نوکە رێبەرێ رەوتێ سەدر موقتەدا سەدر و پارتیا شیۆعی یا ئیراقی بایکۆتا هەلبژارتنێن پێشوەخت یێن پەڕلەمانی راگەهاندیە.
بەرەیێ “الحوار الوطني” کو سالح موتلەگ سەرۆکاتیا وی دکەت، ئەڤرۆ د بەیانەکێ دا راگەهاند: د هەلبژارتنێن سالا 2018 یێن پەرلەمانێ ئیراقێ دا رێژەیا پشکداریێ گەلەک یا کێم بوو و رێژەیا سەختەکاریێ گەلەک یا زێدە بوو، لەورا هەلبژارتن دەرئەنجامێ خواستا گەلێ ئیراقێ نەبوون.
هەروەسا دیار کریە: وان باوەری نینە ژبەر چەکێ د دەست گرۆپێن میلیشیا دا هەلبژارتنێن ئەڤ سالە ژی ببنە ئەگەرێ گوهۆڕینێن ئەرێنی، لەورا وان بریارا بایکۆتا هەلبژارتنان دایە و ل رۆژا 10/10/2021 پشکداری هەلبژارتنان نابن.
پشتی بەیانا “الحوار الوطني” ب دەمەکێ کێم، کوتلەیا “المنبر العراقي” کو ئەیاد عەلاوی، سەرکردەیێ بەرەیێ نشتیمانی سەرۆکاتیا وێ دکەت، بڕیارا خۆڤەکێشانێ ژ هەلبژارتنێن پەڕلەمانی دا.
Comments are closed, but trackbacks and pingbacks are open.