وه‌زاره‌تا باژێرڤانی و گه‌شتوگوزارێ بڕیاردا كوژمێ زێده‌تر ژ 189 ملیۆن دیناران بۆ بجهئینانا دوو پڕۆژه‌یێن درۆستكرنا ئاڤڕێژان ل سنورێن باژێرڤانیێن هه‌ردوو قه‌زایێن سێمێل و ئاكرێ، ب مه‌زێخیت.
فه‌رمانگه‌ها میدیا و زانیێن حكومه‌تا هه‌رێما كوردستانێ ڕاگه‌هاند: وه‌زاره‌تا باژێڕڤانی و گه‌شتوگوزارێ بڕیادایه كوژمێ 189 ملیۆن و 761 هزار دینار بۆ بجهئینانا دوو پڕۆژه‌یان ل هه‌ردوو قه‌زایێن سێمێل و ئاكرێ ب مه‌زێخیت و ئه‌و كوژمه ژی لسه‌ر داهاتێ ڕێڤه‌به‌راتیا گشتیا باژێڕڤانیا دهۆكێ یه و ئه‌و هه‌ردوو پڕۆژه‌یه ژی د چارچوڤێ پلانا ساڵا 2022 دێ هێته بجهئینان.
گوت ژی،” پڕۆژه‌یێ ئاكرێ پێكدهێت ژ درۆستكرنا ئاڤڕیِژێن سندوقی ل تاخێ 11ێ ئادارێ ل نێزیكی مزگه‌فتا مێرسیدا كو د قوناغا ئێكێ دایه و كوژمێ وێ ژی 115 ملیۆن و 820 هزار دینارن لسه‌ر رێژا 15% یا داهاتێ سه‌رۆكایه‌تیا باژێرڤانیا ئاكرێ یه، پڕۆژه‌یێ سێمێلێ ژی پێكدهێت ژ درۆستكرنا ئاڤڕێژێن چوار گوشه ب كوژمێ 73 ملیۆن و 841 هزار دیناران لسه‌ر رێژا 100% یا داهاتێ فرۆتنا زه‌ڤیێن ڕۆكنێن سه‌رۆكایه‌تیا باژێڕڤانیا سێمێلێ، دێ هێته بجهئینان”.
Comments are closed, but trackbacks and pingbacks are open.