دو كەمپێن ئاواران دێ هێنە داخستن

دو كەمپێن ئاواران دێ هێنە داخستن

وەزیرا كۆچ و كۆچبەرێن عیراقێ دیار کر، 70% ژ ئاواران دناڤ كەمپێن هەرێما كوردستانێدا دژین و د دەمێ دو هەیڤێن بهێن دا دو كەمپ دێ ل هەرێمێ‌ هێنە داخستن.

د دیدارەكا تێلەڤزیۆنیدا ئیڤان فائیق ئاشكرا كر ژی، هێشتا 37 هزار ئاوارێن عیراقێ كو ژ ئەگەرێ‌ شەرێ‌ داعش ئاوارە ببوون، دناڤ كەمپاندا دژین، 70% ژ وان ئاواران ژی دناڤ 26 كەمپاندا دژین، 16 كەمپ ژ وانا دسنورێ‌ قەزا شنگالێ دانە.

ناڤهاتییێ گۆت ژی: ژ سەرجەمێ 77 كەمپان، هەتا نوكە 49 كەمپ هاتینە داخستن و د دەمێ دو هەیڤێن بهێن دا، دو كەمپێن دێ ل هەرێما كوردستانێ هێنە داخستن و ئاوارە دێ ڤەگەرنە سەر مال و مولکێن خوە.