ڕاپۆرتێن ساخلەمیێ تەکەزێ ل وێیەکێ دکەن، ئەو خوارکە ژی دڤێت زەنگین بن ب فیتامینان و کانزا و ماددەیێن ریشالی و ئاڤی، بۆ وێیەکێ رۆژیگر بشێت بەرەڤانیێ ل برسیبوون و تینی بوونا رۆژیێ بگریت.
گرنترین خارن و ڤەخارن ژی پێکدهێن:
خورما: کو یەک ژ باشترین خارن بۆ پاشیڤێ دهێتە دانان، ژبەر کو رێژەیەکا زێدەیا ماددێ ئاسن و شەکرێ سروشتی تێدایە و وزەیا پێتڤی ددەتە لەشی.
ماست و شیر: شیر رێژەیەکا زێدەیا بەکتریایێن مفادار تێدایە، مفایێن زێدە هەنە بۆ هەرسکرنێ و ژێدەرەکێ زەنگینە ب ماددەیێ کالسیۆم و پرۆتینا سروشتی، هاریکاریا لەشی دکەت بۆ وێیەکێ ب درێژیا رۆژێ شێداربیت. ئەگەر ماست و شیر و خۆرمایێ د پاشیڤێ دا بخۆی ب خارنەکا گەلەک ب مفا و ساخلەم دهێتە دانان.
کەسکاتی ب گشتی: بابەتێن کەسکاتیێ ب گشتی و کاهۆ و خیار، زەنگینن ب فیتامین و خۆین و رێشالەی، ب ڕەنگەکێ ئەو بخۆ رێژەیەکا زێدەیا ئاڤێ تێدایە.
فێقی: ب تایبەتی مۆز، ژبەرکو رێژەیەکا پێتڤی ژ پۆتاسیۆم و مەنگسیۆمێ تێدایە مفایێن زێدە بۆ لەشی هەنە، سێڤ و هەژیر، ب گشتی ژ وان فێقیانە کو ل پاشیڤێ مفایێن زێدە هەنە.
باقل و زەیتا زەیتونان: ژ وان خارنێن بمفانە، لێ نەبوو وان کەسان کو هەستیاری ب باقلێ هەیە، ژبەرکو رێژەیەکا باش ژ پرۆتینێ تێدایە، ژ وان خارنانە کو زوو هەرس نابن.
هێک و پەنیر: ب دوو ژێدەرێن زەنگینێن خوراکی دهێنە هەژمارتن و گەلەک ب مفانە بۆ رۆژیگران، بتایبەتی ئەگەر د پاشڤیێ دا گەلەکێ نەخۆی، ژبەرکو ژێدەرەکێ زەنگینێ کالسیۆم و پرۆتینان دهێتە دانان.
ئاڤ: ب پێکهاتەیەکا سەرەکیا هەموو دانێن خارنێ دهێتە دانان، بتایبەتی بۆ پاشیڤێ، ژبەر وێیەکێ پێتڤیە رێژەیەکا پێتڤی یا ئاڤێ ڤەخۆی.
پسپۆرێن خۆراکی شیرەتا وێیەکێ دکەن ل دانێن پاشیڤێ دا ب هەمی ڕەنگا دوور بکەڤن ژ وان خارنێنن دوهنی و سیر و سۆرکری، خۆ دوورخستن ژ هەموو بابەتێن ترشیاتا وەکی ترشی، دوورکەفتن ژ شرینیا زێدە و ڤەخارنێن غازی و شەربەتا دەستکرد، ژبەرکو ب درێژیا رۆژێ دێ هەست ب تێنیبوونێ و هیلاکیێ کەن.
Comments are closed, but trackbacks and pingbacks are open.