پشتی ئەنجامێن ھەلبژارتنێن ئیراقێ ژلایێ دادگەھا فیدڕال ھاتینە پەسەندکرن، جێگرێ بەرێ یێ سەرۆکێ پەرلەمانێ ئیراقێ ژی ئاشکراکر، ھەتا پازدە رۆژێن دی ئێکەم کۆمبوونا پەرلەمانێ ئیراقێ دێ ھێتە ئەنجامدان.
دکتۆر بەشیر حەداد جێگرێ بەرێ یێ سەرۆکێ پەرلەمانێ ئیراقێ بۆ ئاژانسا خانی دیارکر” ل گورەی دستوورێ ئیراقێ پشتی پەسەندکرنا ئەنجامێن ھەلبژارتنان د دەمێ ١٥ رۆژان پەرلەمانێ ئیراقێ دێ ئێکەم کۆمبوونا خوه ئەنجام دەت، دوڤدا سەرۆکایەتیا پەرلەمانی دێ ھێتە ھەلبژارتن، لەوڕا پڕۆسا پێکئینانا حوکمەتا ئیراقێ ھێشتا زۆر مایە و ئەز باوەرم دێ گیرۆبیت بۆ چەند ھەیڤێن دیژی.
دکتۆر بەشیر حەداد ئاماژەکر” پێکئینانا حوکمەتێ ل ئیراقێ بوویە نەریتەک ھەر جار پشتی ھەلبژارتنان ئالۆزی پەیدادبن و پڕۆسا پێکئینانا حوکمەتێ گیرۆ دبیت، چونکە پڕۆسە گورەی قانوون و دستووری بڕێڤەدچیت و پێدڤی ب رێکەفتنێن لایەنێن سیاسی ژی ھەیە ھەتا ھەموو بگەھنە ئەنجامەکی و ھندەک لایەنێن نەڕازی تێنە رازیکرن.
Comments are closed, but trackbacks and pingbacks are open.