-د بەردەوامیا راگەھاندنا پرۆژێن نوی یێن خزمەتگۆزاری ل پارێزگەھا دھۆکێ ب مەرەما وێ چەندێ خزمەتەکا زێدەتر پێشکێشی وەلاتیان بھێتەکرن ئەڤرۆ رۆژا ٢/٥/٢٠٢١ (پ.د.عەلی تەتەر) پارێزگارێ دھۆکێ ب کوژمێ پتری١٢ ملیار دیناران پرۆژە د چەندین بوارێن جودا دا ل قایمقامیا قەزا دھۆکێ راگەھاندن.
پ.د.عەلی تەتەر، پارێزگارێ دھۆکێ د پرێس کۆنفرانسەکی دا ئاشکرا کر کو ئەو پرۆژێن ئەڤرۆ راگەھاندین رازەمەندی ل سەر ھاتیەکرن و ب کوژمێ ١٢ ملیار و ٤٨٣ ملیۆن دیناران ل سەر بودجا حکومەتا ھەرێما کوردستانێ دێ ھێنە جێبەجێکرن و ڤان رۆژان وەکو تەندەر دێ ھێنە راگەھاندن و گۆت: “ئەڤ پرۆژە د بوارێن (ئاڤ، کارەب، پەروەردە، جادان) دا دێ ھێنە چێکرن کو ژ وی سەرجەمێ مە راگەھاندی پرۆژە دێ ب کوژمێ شەش ملیار و ١٨٣ ملیۆنان دێ د ناڤ سەنتەرێ باژێرێ دھۆکێ دا ھێنە چێکرن، ھەروەسا ب کوژمێ سێ ملیار و ٤٤٠ ملیۆن دیناران ئەڤ پرۆژە دێ ل ناحیا مانگێشکێ و ب کوژمێ دو ملیار و ٨٥٤ ملیۆن دیناران دێ ل ناحیا زاویتە ھێنە چێکرن”.
ئاماژە دا وێ چەندێ کو ئەو پرۆژێن ل ناحیێن ناڤھاتی دھێنە ئەنجامدان بەھرا پتر دێ ئەو پرۆژێن خزمەتگۆزاری بن یێن کو بۆ گوندان دھینە پێشکێشکرن کو پرانیا وان رێکێن گوندانە ژ بەر کو داخوازیا بەھرا پتریا خەلکێ ڤان گوندان قێرکرن و نووژەنکرنا رێکێن گوندان بووینە، سەرەدایی ڤێ چەندێ ھندەک پرۆژێن ئاڤێ ژی دگەل ھەنە و گۆت: “ئەڤ پرۆژە دێ ل قووناغا ئێکێ ھێنە بجھئینان و پشتی دەمەکێ دی بۆ قووناغا دووێ و سێیێ د ئەڤ سالە دا دێ مە چەندین پرۆێن دی بۆ ڤان دەڤەران ھەبن”.
Comments are closed, but trackbacks and pingbacks are open.