بانكا ناڤەندیا عیراقێ ڕاگەهاند، د دووماهی قۆناغا قەرەبووكرنێدا 44 ملیون دولار ڕادەستی كوێت هاتنەكرن، ب وێ چەندێ دۆسیا قەرەبووكرنا وی وەڵاتی هاتە دایێخستن، و بانكا ناڤەندی داخوازكر پشتی قەرەبووكرنا كوێت بدووماهی هاتی، عیراق ژ ژێر بەندێ حەفت دەرگەڤیت و بانكا عیراقێ ب سیستەمێ بانكیێ جیهانیڤە بهێتە گرێدان.
د راگەهاندنەكێدا بانكا ناڤەندیا عیراقێ خۆیاكر، عیراقێ سەرجەمێ وی پارەی ئەداكر،كو نەتەوێن ئێكگرتی ل گورەی بڕیارا (687) ل ساڵا 1991 بۆ قەرەبووكرنا كوێت سەپاندبوو، كوژمێ گشتیێ وی پارەی ژی 54 ملیار و 400 ملیون دولار بوون.
ل دوویی تەباخا ساڵا 1991 ڕژێما بەعس وەڵاتێ كوێت داگیركر، ل شەشی ئادارا ساڵا 1991 هەڤپەیمانیا نێڤدەولەتی بسەرۆكاتییا ئەمریكا كوێت ژ داگیركاریا عیراقێ ڕزگاركر، زێدەباری زیانێن گیانیێن مەزن و وێرانكرنا ژێرخانا وەڵاتی، جڤاكێ نێڤدەولەتی سزایێن ئابووریێن گران لسەر عیراقێ سەپاندن، ژوان ژی قەرەبووكرنا زیانێن كوێت ب 54 ملیار و 400 ملیون دولاران.
Comments are closed, but trackbacks and pingbacks are open.