ل باژێرێ كرماشان یێ رۆژهه‌لاتا كوردستانێ سه‌را خوارنا چكلێته‌كێ شه‌ر دناڤبه‌را كڕیاره‌كى و خۆدانێ دوكانه‌كێ دا چێبوو و كڕیارى ب چه‌قۆیێ خۆدانێ دۆكانێ كۆشت.
په‌روێز نه‌زه‌رى، رێڤه‌به‌رێ پۆلیسێن كرماشان راگه‌هاند، ل رۆژا ئێكشه‌مبى ( 20/3/2022 ) گه‌نجه‌كێ ته‌مه‌ن 25 سال چوویه دۆكانه‌كا شریناهییان، پێش كرینێ وى گه‌نجى چكلێته‌ك تاقیكر بۆ زانینا تاما وێ، ڤێ یه‌كێ ژى خۆدانێ دۆكانێ نه‌خۆه‌ش كرییه و شه‌ره‌ده‌ڤ دناڤبه‌را وان دا درۆست بوو.
دیار ژى كر، پشتى شه‌ره‌ده‌ڤێ كریارى چه‌قۆیه‌ك ئیناده‌ر و ل دۆكاندارى دا كۆ ته‌مه‌نێ وى 24 سال بوون و برینداربوو، پاشان بۆ نه‌خۆشخانێ هاته ڤه‌گۆهاستن و ژبه‌ر سه‌ختییا برینا وى گیانێ خۆه ژده‌ستدا.
پشتى وێ روودانێ تاوانبار ره‌ڤى، لێ پشتى هه‌ماهه‌نگییێ دگه‌ل لایه‌نێن دادوه‌رى، جهێ وى هاته ده‌ستنیشانكرن و هاته ده‌سته‌سه‌ركرن.
Comments are closed, but trackbacks and pingbacks are open.