پەیامنێرێ زێ بادینان
بلند بهجت
ماموستا رەمەزان نصرالدین مستەفا سەروکێ کومەلا ئەکادمیا زانستێن سیاسی ل دهوک و چاڤدێرێ سیاسی مێڤانێ دیدارا مەیە ل سەر بابەتێ ئەندامەتیا هەر ئێک ژ سوید و فیلەندا ل ناتودا .
پەیامنێرێ زێ بادینان : بوچی سوید و فیلەندا دڤێت ببیتە ئەندام دناڤ ناتوی دا؟
رەمەزان نصرالدین : پشتی بویەرێن ئوکرانیایێ مەترسیەکا ئێک جار مەزن ل سەر ئەوروپادا پەیدابویە ل سەر پێگەهێ هەمی دەولەتان ، ژبەر ڤێ جەندێ فیلەندا و سوید دبینن کو هەڤ سنورن دگەل ئەڤ شەرێ درستبوی کو مەترسیا ل سەر هەبونا وان هەی ل دەڤەرێ دا لەورا داکو بهێتە پاراستن ل هەر مەترسیەکێ و هەر دەست درێژیەکا دەرەکی ل سەر سنورێن وەلاتێن خو ژبەر هندێ پەنایێ دبەنە بەر ئەندامبونێ دناڤا هەڤپەیمانا ناتۆدا جونکی ناتۆ هەڤپەیمانەکا بهێزە و دێ پتر هێتە پاراستن دناڤ ڤی چەمکیدا .
و خالەکا دی ژی دبیت ئەڤە وەکی فشارەکا راستەوخوبیت ل سەر روسیا کو شەرێ خو دگەل ئوکرانیا براوستینیت و پەنایێ ببەتە بەر دانوستاندنان .
پەیامنێرێ زێ بادینان : بوجی روسیا دژایەتیا ڤان دەولەتان دکەت بەرامبەر ئەندامەتیا وان ؟
رەمەزان نصرالدین: روسیا مەترسیا هەی کو ئەمریکا سیاسەتێن شەرێ سار بەرامبەری وان پەیرەوبکەت تایبەت پشتی کو ئێکەتیا سوڤیەت ل سالا 1945 هەتا 1990 احتیواکری ، موسکو وێ هزرێ دکەتن کو ب هەمان سیاسەت دوبارە بکەتەڤە و ئەمریکا دڤێت دژمنێن وێ ل خو نێزیک بکەت داکو هەڤپەیمانێن خو بهێزبکەتەڤە ل ڤی جارجۆڤیدا موسکو دبینیت کو ئەڤە مەترسیەکە ل سەر هەبونا وێ ژبەر ئەڤێ جەندێ دێ هەمی هەولان دەت کو ئەڤ وەلاتە هەلویستێ وان بێ لایەن بمینتەڤە بەرامبەری ئەڤێ قەیرانا درست دبیت ل ئەوروپا.
پەیامنێرێ زێ بادینان : بوچی هەر ئێک ژ سوید و فیلەندا ئێکسەر ل دیڤ ئوکرانیادا داخازا ئەندامەتیا ناتو دا دکەن ؟
نصرالدین : ئەو شەرێن کو دژی ئوکرانیا پەیدابوی کو بو ئەڤان دەولەتێن ئەوروپی دیاربو کو دڤێت رێکخستنەکا هێزێن خو یێن سەربازی بکەتن و هێزێن خو یێن هەڤپەیمانێن سیاسی بکەتن ژبوی هندێ کو ل ئایندەی ل هەر مەترسیەکا هەبیت بهێتە پاراستن ژهەر مەترسیەکا دەرەکی ب تایبەت ژی کو ئەڤروکە روسیا هەولدانا دکەتن کو وەلاتێن دورماندورێن خۆ پێخنە بن دەستهەلاتا خو یان ژی بێ لایەن بمینیت دگەل چەپەرێن هەڤدژیا روسیا دگەل ئەمریکان دا و پەنا برنا سوید و فیلەندابو ڤێ جەندا هەنێ یە ، و هەکە تەماشە بکەین کو وەلاتەکێ وەکی فیلەن دا هەڤسنورە دگەل روسیاندا و پێشبینی دهێتە کرن ، ئەگەر فیلەندا بەردەوام پشتەڤانیا ئوکرانیا و وەلاتێن ئەوروپی بکەتەڤە ئەو روبەروبونە پەیدا دبیت دناڤبەرا لەشکرێ روسیا و فیلەنداندا ژی و هەروەسا سویدژی ب هەمان شێوە ، ژبەرڤێ جەندێ دا کو شیانێن خو یێن بەرگیریێ ب هێز بکەین دێ پەنایێ بەنە بەر ئەندامبون دهەڤپەیمانا ناتودا ژبوی هندێ داکو ئەڤ مەترسیا هەی ژ وان دیربکەڤیت .
پەیامنێرێ زێ بادینان : بوچی تورکیا ژی بەربەستان ژبوی ئەندامەتیا ڤان دەولاتان ددانیت ؟
رەمەزان نصرالدین : جار ئەگەرێن سەرەکی یێن هەین کو تورکیا ئەڤێ چەندێ ئەنجام ددەتن :
١- تورکیا نەڤێت ئەزمونا یونان دوبارە ببیتەڤە ڵ ئەوروپا مەترسیێن مەزن ل بەرامبەری وێ درستبن .
٢- تورکیا دڤێت توظیفا ئەڤێ قەیرانا هەنێ ژبو بدەستڤە ئینانا هندەک دەستکەڤتێن خۆ یێن مەزنتر ل ناڤ ئێکەتیا ئەوروپا دا بکەتن .
٣- حەسمکرنا ئەو موئەلفاتێن ماینە هەلاویستی ل ناڤبەرا ئەوروپا و تورکیان دا ژبوی هندێ برێکا ئوپوسیزیونێ دگەل ئەڤان دەولەتان کو بشێت ئەوان دەستکەڤتان ب دەست خوڤە بینیت .
٤- مەترسیا هەی کو رەوشا دەڤەرێ ئالوستر لێ بهێت ب تایبەت ژ لایێ ئابوری و لەشکریڤە .
پەیامنێرێ زێ بادینان :ئەمریکا جەوا ئەندامەتیا ڤان وەلاتان دبینیت؟
رەمەزان نصرالدین :ئەمریکا هەولدانا دکەتەڤە کو روسیا بکێشیتە دناڤ شەرەکێ گەلەکێ مەترسیداردا ژبو لاوازکرنا پێگەهێ روسی و شیانێن وێ یێن لەشکری و ئابوری و تەکنولوژیایێ یان ژی ژبو لاوازکرنا سمعەتا وێ یا ل سەر ئاستێ جیهانێ ژبەرکو سیستەمەکێ نویێ یێ جیهانێ دایە و ئەمریکا ئەڤروکە یا بالا دەستە دناڤا ئەڤی سیستەمی دا لێ ئەڤروکە روسیا هندەک پێنگاڤێن پراکتیکی دهاڤێژیت بەرامبەر ئەمریکا داکو ببیتە زل هێزەکا جیهانی، ئەمریکا دێ هەولدانێ کەتەڤە کو هەڤپەیمانێن روسی کێم بکەتەڤە ل دەڤەرێ دا شیانێن وێ لاوزبیتەڤە و ئەڤ شەرێ نوکە دهێتە کرن شەرەکێ بل وەکالەتە دناڤ بەرا روسیا و ئەمریکاندا برێکا هندەک دەولەتێن دی ئەمریکا دێ پشتەڤانیا سوید و فیلەندا کەتن بەرامبەری وێ کو روسیا کومەکا تەنازلاتان ژبوی ئەمریکان و ئەۆروپا بکەتن .
پەیامنێرێ زێ بادینان : بوجونا مێڤانێ مە جیە ل سەر ئەندامەتیا ڤان دەولەتان؟
رەمەزان نصرالدین: بریارا فیلەندا و سوید کو ببنە ئەندا د حلفێ شیمال ئەتلەسیدا ل ناتو دا ئانکو ئەڤە بابەتەکێ مێژویە ، هەکە بەرێ خو بدەینێ کو ب درێژاهیا مێژویێ ئەڤ هەردوو دەولەتە بێ لایەن بونە بەرامبەری کێشەیێن سیاسیێن دەڤەرێ دا ، خالەکا دی ژی ئەگەر کو تەماشە بکەین کو حکمەتا سوید حەس هەیە ببیتە ئەندام دناتویدا و دەربکەڤیت ژبێ لایەنیێ و بکەڤیتە د پروسەیەکا نوێدا و دەڕبازی پروسەیەکا نویێ یا سیاسی و لەشکری ببیت ، و هەروەسا ژی کو سوید و فیلەندا دڤی وەختیدا کو ئەو هزر دکەن کو زوربەیا 30ئەندامێن دناتو دا دێ رازیبین ل سەر داخازیا وان و هوسا هزر کەن کو ئەگەرێن هەین ئەڤەکێمتر ژ سالەکێ بهێتە ئەنجامدان ، و خالا هەرە گرنگ ئەو گورانکاریێن سیاسی و لەشکری یێن پەیدابوی و تایبەت یێن پشتی شەرێ روسیا و ئوکرانیا ئانکو ڤان وەلاتان پێتڤی یا ب ئاسائیشەکا هەڤگرتی یا هەی دناڤبەرا خۆدا و داکو بەرژەوەندیێن پێ گوهر هەبن دناڤبەرا وانادا و پێتڤیا ب هندێ هەی کو هێزا خو یا بەرگیریێ بهێزتر لێ بکەتن ژبوی هەر مەترسیەکا دەرەکی .
Comments are closed, but trackbacks and pingbacks are open.