مللەت عسمەت
“چەکەک رەنگە مرۆڤەکی یان کۆمەکا مرۆڤان بڕیندارکەت، لێ میدیایەک یان سوشیال میدیایەک دشێت ب سەدان یان ژی هزاران مرۆڤان سەقەت کەت!”
دکوردەواریێدا دبێژن چێ دبن بڕینێن خەنجەرا، لێ چێ نابن بڕینێن خەبەرا.
گۆتنەکا دی ل دور راگەهاندنێ هەیە خودێ نەکەت نۆژدارەک شاشیەکی بکەت دێ کەسەکی سەقەت کەت، بۆ پیشەیێن دژی ئەڤە راستە. لێ دەما دەزگەهەکێ فەرمی یێ رۆژنامەڤانی یان هەتا نەفەرمی ئەدمینی پەیجەکێ، لاپەرێ کەسەکی هندەک تشت دهێنە بەلاڤکرن ب مخابنی ڤە ژەهرە ئەگەر ئەڤ ژەهرە نەهێتە راگرتن جڤاکێ مە بەر ب ئاقارەکێ نەدیارڤە دچیت.
مە خۆ دڤێت. مە خێزان و کەسوکارێن خۆ ژی دڤێن، دەوروبەر و باژێر و وەلات ژخۆ خوشتر دڤێن و ژینگەها هەر مرۆڤەکی حەزا هەر کەسەکی ژی هوسایە لێ ئەڤا چێ دبیت چیە؟
راستدبێژین ئەڤا چێ دبیت نەزانینا سنورایە کو کارێ دەرونزانایە دیارکەن سنور چنە ، تێنەگەهشتنە ل دیموکراسیەتێ کو سیستەمێ ژیانێ یە نە سیاسەت بتنێ، ئازادی بەرۆڤاژی وەرگرتیە ژبیرکریە ئەز هندێ ئازادم هندی یێ بەرامبەر نەئێشینم. هەستنەکرنە ب بەرپرساتیا جڤاکی، نشتیمانی، مرۆڤایەتی.
ئاخفتنێ پتر ژ هەر تشتەکی حسابا لسەر دەما ئەو ئاخفتن دبیتە نڤیسین دووجارا حساب دکەڤیتەسەر، چونکی بنگەهێن رەوشەنبیریا مە گولێ بوونە، وەدبێژن، وەدگوت، گوتوی گوت من گولێ بوویە، لەوما هشیاریەکا تەڤایی دڤێت ئەگەر ئەڤرۆ هندەک خەبەرا ل سەر هندەکێن دی قەبیلکەن. ئانکو دورا وان بخو ژی دێ هێت.
مخابن ئەم دبینین و تێبینی دکەین، نموونە و داتا ژی هەنە گەلەک مرۆڤێن خودان شیان و ژخۆ شەرم ژبەر سوشیال میدیایێ و راگەهاندنا نەبەرپرسیار شیانێن خو نادەرئێخن، ئەڤ نەدەرئێخستنا شیانا، خو ڤەشارتنا سەروچاڤ و پەیامێ، و ئەڤ هەمی خەبەرە دبنە برینێن دەروونی و پێدڤی ب چارەسەریێ هەیە.
٢٢ی کانوونا دووێ ٢٠٢٢
- دکاری ئەو ناڤێ تە لخارێ هاتیە نڤیسین هەموو بابەتێن خۆ بببینی
Comments are closed, but trackbacks and pingbacks are open.