- [ ] دینداریا دنیایی و دینداریا معرفتی و کاریگەرییا وێ لسەر جڤاکی و دەستهەلاتێ.
- نازی محەمەد شەریف ،زێ بادینان.
- [ ] ئەگەر ئەم بەرێخۆ بدەینە جڤاکێ مە یێ ئیسلامی دێ دوو جورێن دینداریێ بەرچاڤێن کەڤن کو هەر ئێک ژ ڤان جورێن مرۆڤان برەنگەکی عبادەتی دگەهن و عبادەتی دکەن.
- [ ] جوینا ئێکێ یا دینداريێ ئەو جورێن مرۆڤانە کو گرنگیێ ب زاهر و لایەنێ کرداريێ عبادەتی ددەن، مینا نڤێژ و روژی و حەج و …
- [ ] و ئەڤ رەنگێ دیندارییا دنیای یا لبن کاریگەریا عرف و عادت و کەلتور زال د ناڤا وی جڤاکیدا.
- [ ] و ئەگەر کەسک نڤێژەکێ نەکەت یان رۆژانە نەچیتە مزگەفتێ، رەنگە دێ خەتا سور داننە سەر ناڤێ وی و ب کەسەکێ خۆدانێ ئیمانەکا لاوز بزانن و رەنگە هەمی خەم و خیالا وان بەس چوونا نڤێژا جمائەت بیت و وەکی پێدڤی گرنگيێ ب خێزان و جڤاکی نادەن و ئەو ڤی کاری خۆ ب گوپیتکا دینداريێ بزانیت. کو رەنگە ئەڤ جورێن مرۆڤا عبادەتێ وان زێدەتر وەک چاڤ لێ کرن و هندەک جارا رویمەتی و مەسلحەتی بیت. ئەڤ رەنگێ دینداریێ و پەرستنێ د زور بیاڤاندا نکاریە کاریگەری و رەنگڤەدانا ئەرینی لسەر ژیانا کەسوکی و جڤاکی بکەت و جڤاکی ژ شاشی و چەوتیا قورتال بکەت.
- [ ] بنەماینێ ئیسلاما راستەقینە هەمی بنەمایێن زانست خاز و هشیار کەر و ئەکتیفکرنا جڤاکینە و جڤاکی ژ کویلاتیێ و بەنداتیێ قورتال دکەن و بەر سەروەریێ و ئازدیا بیرو باوەرا و ئازدیا هزری و سیاسی و ئابوری دبنە، بەرۆڤاژی ڤان خالا کار کرن، نیشانێ تێنەگەهشتن و دیرکەفتنا جڤاکیە ژ ئیسلاما راستەقینە.
- [ ] ئقبالێ لاهوری بەحسێ کەسەکێ هندی دکەت کو ئەو کابرایێ هندی گوت هەکە ئەز بام ل جهێ پێغەمبەری دەمێ ئەز دچومە معراجێ ئەز ژ وێرێ نە دهاتمەڤە.
- [ ] جونکی بیر کرنا ڤی کەسێ هندی ژ جورێ بیرکرنەڤا جوینا ئێکێ بوویە و بتنێ بیر ل خۆ دکر و بیر ل هیچ کەسەکێ دییر نەکریە.
- [ ] لێ ئەگەر ئەم بەرێخوبدەینە چوونا پێغەمبەری بۆ ئەسمانا دێ بینن ئارمانجا ڤێ سەفەرێ ئەو بوویە کو ئەڤ سەفەرە ببیتە هێزەک بۆ وی دا زێدەتر خزمەت و هاریکاریا خەلکی بکەت و پەیاما خۆ باشتر بگەهینیت.
- [ ] جوینەکا دیتر یا دینداريێ یا هەی کو دینداریا معرفی یە و گرنگیێ ددەنە لایەنێ معرفی و هزری و ب بیرکرنەڤە و ڤەکولینا لدور ئاینی و نیاسینا خودێ، پەرستنێ دکەت، کو د ئەجر و خێردا ئەڤ جوینا مرۆڤا زۆر خودان خێرترە ژ جوینا ئێکێ و ئەڤ جوینە نەبتنێ خزمەتا خو بتنێ دکەت، بەلکو خزمەتا خەلکەکێ دیتر ژی دکەت.
- [ ] کو چەندین حەدیس یێت هەی ل دور ڤی بابەتی.
- [ ] نمونە دەمێ ( پ س ) دبێژیت: ئێک دەمژمێر بووراندن ب وەرگرتنا زانستی خێرترە ژ وێ تو شەڤەکێ هەمیێ ب عبادەتی ڤە بوورینی.
- [ ] هەروەسا دبێژیت: بووراندنا ئێک رۆژ بۆ وەرگرتنا زانستی بخێرترە ژ وێ تو سێ هەیڤا یێ ب رۆژی بی.
- [ ] هەروەسا قورئانا پیروز ژی گرنگیا وەرگرتنا زانستی و زانا یا بۆ مە دیار دکەت.
- [ ] سورەتا ( فاطر ) ئایەتا ٢٨ ێ دبێژیت: دناڤا بەندەیێن من دا بتنێ زانا یێن راستەقینە برەنگەکێ هەژی ژ خودێ دترسن.
- [ ] هەروەسا ئێکەم جار خودایێ مەزن گوتە ( پ س ) بخوینە، نەگوتێ نڤێژ و رۆژی و جیهادێ بکە.
- [ ] ئەڤە هەمی وێ ئێکێ خویا دکەن کو جڤاکێ مە پێدڤی ب وێ دینداریا معرفی و زانستی هەیە کو ئەڤ جورێ دیندارێ ل بال خودێ ب بهاترە بو دنیا و ئاخرەتێ.
- [ ] دینداریا معرفی مرۆڤی ژ جەهل و نەزانینێ قورتال دکەت و رێکێ نادەتە مرۆڤی کو مرۆڤ رۆژێ پێنج نڤێژا ل مزگەفتێ بکەت و سەرێ خو بۆ خودێ ب چەمینیت، لێ دەمێ ژ مزگەفتێ ژی دەر کەفتی ببیتە کویلە بۆ هندەک مرۆڤا و ببیتە مەلاق و سەرێ خۆ بۆ هندەک مرۆڤان ب چەمینیت.
- [ ] بەلکو ئەڤ رەنگێ دینداريێ مرۆڤی ئەکتیف و بهێز دکەت و هێزا خۆراگریێ لەبەرامبەری زولم و ستم پەیدا دکەت و جڤاکی بەرەف گوتپیکا پێشکەفتن و رفا و خوشگوزەرانی و مدرنییەتێ دبەت و ئازدی و دادپەروریێ و مافێن مروڤی دابین دکەت و ئەکتیف دکەت و کاریگەریا لسەر سیاسەت و دەستهەلاتێ هەی، ژ هەمی رویەکیڤە و کورسیکا زالم و دکتاتورا دکەتە ئارمانج و دهژینیت و ژناڤ دبەت.
- [ ] دەمێ سعیدێ نورسی یان سعیدێ کوردی سەرباز دناڤا لەشکرێ عسمانیدا و د شەرێ ئێکێ یێ جیهانی ژ لایێ لەشکرێ روسی ڤە سعید ئێخسیر دبیت.
- [ ] نیکولاس وەزیرێ بەرڤانیا روسی سەردانا ئێخسیرا دکەت و هەمی سەرێ خۆ بۆ وەزیری د چەمینن بتنێ سعید ناچەمینیت، وەزیر هزر دکەت رەنگە سعیدی ئەو نەدیتبیت، جارەکا دیتر دبەرسنگێ ویرا دەرباز بی و ڤێ جارێ ژێ سعید سەرێ خۆ بۆ وەزیری نەچەماند، وەزیر زۆر تورە بۆ و گوت پێدڤیە سعید بهێتە سێدارەدان، چونکی بێ رێزی یا گەل من کری و هەمی ئێخسیرا خۆ بۆ من چەماند بتنێ سعیدێ کوردی خۆ بۆ من نەچەماند لەورا پێدڤیە بهێتە سێدارەدان.
- [ ] خلکی و زانایێن وی سەردەمی زۆر بزاڤ کرن کو سعیدی سێدارە نەدەن، لێ بێ مفا، رۆژا سێدارەدانێ نیکولاسی گوتە سعیدی تە چ وەسیەت هەیە بکە، سعیدی گوتێ بتنێ من دڤێت دەلیڤێ بدەنە من دوو رکعت نڤێژێ بکەم پاشی من سێدارە بدەن.
- [ ] پشتی سعیدی دەست ب نڤێژی کری و نیکولاسێ وەزیر بەرێخودایە لڤینێت وی د نڤێژا دا، ئێکسەرە بریارا سێدارەدانێ هەلوەشاند، خەلکی گوتێ باشە پا ئەڤە چەند بی هەمیا گوتە تە سێدارە نەدە تو رازی نەبووی، ئەو چ تشت بی بوویە ئەگەر تو ژ بریارا خۆ لێ ڤە ببی، وەزیری گوتێ بو من دیار بۆ کو سعیدی ئیهانا من نەکریە، بلکو ئاینێ وی رێک نەدایە وی کو ژ بلی خودێ سەرێ خۆ بۆ چ کەسەکێ دیتر ب چەمینیت. لەورا بریارا ئازادکرنا وی دا.
- [ ] ئەگەر ئەم بەرێخوبدەینە دیروکا کوردا ژی دێ بینین کو سەر کردێن هەمی بزاڤ و شورەشێن کوردی مەلا و زانا بووینە. چونکی زانست و دینداریا درست و راستەقینە مرۆڤی پال ددەت کو مرۆڤ زۆلمێ قەبول نەکەت و بەرامبەری زالمی راستیت و داخازا مافێن خۆ بکەت.
- [ ] لەورا ئەڤرو مە پێدڤی ب دینداریا معرفتی هەیە، ژبو هندێ ئەم ژ ڤێ جەهالەت و پاشکەفتنێ قورتال بین و بەرەف پێشکەفتنێ بچین و ببینە مرڤێن راست و درست.
- [ ] نازی محەمەدشریف
Comments are closed, but trackbacks and pingbacks are open.