محمد مراد…..
ڪابرایەڪێ خەلڪێ دەفەرا،گولیا بو ل گوندێ نزورێ دژیا،سالێن پێنجی یا،نزور ژی گوندە دورە لسەر سنورێ باڪورێ ڪوردستانێ بو ،پتر ژ هەشتێ ڪلم ژ زاخو دویره،ناڤێ وی ناهینم هندی زڤستانێت وی سەردەمی سەخت و دژوار بون،بەفر و سەرمایەڪا زێدە هەبو،
ژیان ژی گەلەك زەحمەت بو لسەر پەیداڪرنا نانێ روژێ،حەویان ب زەلام و ژنێت مالێ نە دڪەفت، ژ خودانڪرنا تەرش و ڪەوالا زێدەباری پاقژڪرنا ڪولێت پەزی،دانا ئالیڪێ وان سێ دان و بەردانا وان……
و ڪێشانا دارا و قەدڪرنا دارا و سەربان مالێن ژ بەفرێ روژێ دوو سێ جارا وگێرانا بانی ،ڪەرەستێن ناڤ مالێ ژی دڪێمن، وەڪو راخەر و تشتێت ناف مالێ، هند بەفر هات و بەردەوام دهات ب مالینا سەربان و گوڤا نەدراوەستان حەتا سپێدێ زێرەڤانی دڪرن،دا بانێت وان و یێن ڪەوالێت په زی نەڪەڤن دبن بەفرێدا،……
زور تەنگاڤ بو،،،سپێدەهیەڪێ رابو دەستێ خێزاناخو گرت و بچویڪێ خو،گوت ژنڪا خو هلو، دێ چین وی عەردی یێ،بەفر لێ نەهێت ئەم مرین، ل وی دەمی ژی چ سەیارە نەبون،ب پییا ژ گوندێ نزورێ فرێڪەتن،بەرەڤ زاخو د وێ بەفر و سەرمایێ دا،خودێ دزانیت ڪا چەوا گەهشت بون، و چەند روژا ماینه ب گوندێن درێڪێ دا، هەتا گەهشتین زاخو،
ل وی دەمی ل زاخو هندەك پەسته هەبون، نەفر ژ زاخو ڤەدگوهاستن میسل ل پەستەڪێ سیاربو قەستا میسل ڪر، تنێ ناڤێ میسل گولێ ببو. خو گەهاندە میسل و بێسەروشین ما هەتا ئەڤرو،
ئەڤرو ژی د ڤان ڪاودانێت خوش و نەخوش دا سەدان گه نج وڪچ و خێزان ژ ڪوردستانێ دەرڪەفتینه بەرەف وەلاتێن بیانی چوینه بێ سەروشین ماینە، و دێ مینن بێ سەرشین پشتی چەند سالێن بهێن، و هەتا نوڪه ژی دناخێ مەزن و بچیڪێن مە،دا پێچەوانه دچن و ژ ڪوردستانێ دەردڪەڤن بچن،وی جهێ بەفر لێ باریت،،
نه ك بچن وی جهێ بەفر لێ نەباریت ……؟
Comments are closed, but trackbacks and pingbacks are open.