دەرگەهێ دامەزراندنێ دێ هێتە ڤەکرن
زێ بادینان .
بێگەرد تالەبانی وەزیرا چاندن و ژێدەرێن ئاڤێ دحكومەتا هەرێما كوردستانێدا ڕاگەهاند، پشت بەستن ب بڕیارا سەرۆكاتییا جڤاتا وەزیران یا ژمارە (79) كو ل 21 چریا ئێكێ یا ساڵا 2020 دەرچووییە و یا تایبەتە بۆ پشتەڤانییا كەرتێ چاندنێ و هاندانا جوتیاران، بۆ ئێكەم جار لێخۆشبوونا گومركی بۆ وان كۆمپانی و خودان پڕۆژان دەرچوو یێن ئامیرێن چاندنێ هاوردەی هەرێما كوردستانێ دكەن و بشێوێ قست دفروشنە جوتیاران.
هەر وەسان رسوماتێن تابلۆیێن چاندنێ بۆ ئامیرێن پێشكەفتی ناهێنە وەرگرتن.
بێگەرد تالەبانی ڕاگەهاند، وەزارەتا چاندنێ سێ پڕۆژە یاسا بەرهەڤكرینە و ل دەمەكێ نێزیك دێ ژلایێ جڤاتا وەزیرانڤە بۆ پەڕلەمانی هێنە ڕاوانەكرن، ل گورەی وان پڕۆژە یاسا دێ دەلیڤێن كاری بۆ بهزاران دەرچوویێن بەشێن چاندن و ڤیتەرنەری و دامەزراندن و دەستەبەركرنا سندوقا خانەنشینی مسوگەر كەت.
وەزیرا چاندنێ خۆیاكر، وەزارەتا وان پڕۆژە یاسایەك بەردەست كرییە بۆ دامەزراندنا لیژنەكا نیشتیمانی پێخەمەت تۆماركرن و پەسەندكرن و پاراستنا توخم و جورێن بەرهەمێن كشتوكالی لهەرێما كوردستانێ.
Comments are closed, but trackbacks and pingbacks are open.