ئەندامەكێ لیژنا دەستپاكییێ ل پەرلەمانێ عیراقێ راگەهاند، د پرۆسا ئامادەكرنا ئاهێن خوارنێ یێن هەیڤانە یێن وەلاتییان دا، هەیڤانە 200 ملیار دینار ب هەروە دچن.
هادی سەلامی، ئەندامێ لیژنا دەستپاكییێ ل پەرلەمانێ عیراقێ ئاشكەراكر، گەندەلییەكا مەزن د بەشە خۆراكێ هەیڤانە یێ وەلاتییان دا دهێتە كرن كۆ هەیڤانە دگەهیتە 200 ملیار دیناران، و وان هەموو دۆسەیێن تایبەت ب وی بابەتی ڤە بۆ دادگەهێ و جڤاتا نوینەران بلندكرینە ژ بۆ گرتنەبەرا رێكارێن یاسایی و ئەنجامدانا ڤەكۆلینان.
هەڤدەم عالیە نوسەیف، سەرۆكا لیژنا دەستپاكییێ ل پەرلەمانێ عیراقێ دیاركر، راگرتن و نەهێلانا گەندەلییێ پێدڤی یە ل دەستپێكێ ژ خالێن سنۆری و گۆمركان دەستپێبكەت و داخوازكەت خالێن سنۆری و گۆمرك ب سیستەمێ بەنكا ناڤەندی ڤە بهێنەگرێدان.
نوسەیف دۆپات ژی كر، پێدڤی یە دەستەیا دەستپاكییێ چاڤدێرییەكا زێدەتر ل سەر فەرمانگەهێن حكومەتێ بكەت ژبۆ رێگرتنێ ژ ب هەدەردانا سامانێ گشتی یێ وەلاتی.
Comments are closed, but trackbacks and pingbacks are open.