پشتی پەڕلەمانتارێن رەوتێ سەدر دەست ژ كاركێشانا خۆ رادەستی سەرۆكاتییا پەڕلەمانی كرین، محەمەد حەلبۆسی سەرۆكێ پەڕلمانی ئیمزا ل سەر دەست ژ كاركێشانا پەڕلەمانتارێن وی رەوتی كر.
د نامەیەكێ دا بۆ پەڕلەمانتارێن خۆ، موقتەدا سەدر سەرۆكێ رەوتێ سەدر داخواز ژ پەڕلەمانتارێن فراكسیۆنا سەدر كربوو دەست ژ كاركێشانێن خۆ رادەستی سەرۆكاتییا پەڕلەمانی بكەن و تێدا گۆتبوو: سوپاسییا پەڕلەمانتارێن خۆ دكەم كو هەر زوی ل دویڤ داخوازییا من هاتین و دەست ژ كاركێشانێن خۆ نڤیسین و ئیمزا كرین.
ژ لایێ خۆڤە محەمەد حەلبۆسی سەرۆكێ پەڕلەمانی و ئیمزا ل سەر دەست ژ كاركێشانا پەڕلەمانتارێن فراكسیۆنا رەوتێ سەدر دكەت و پاشی د پەیامەكێ دا راگەهاند: ب دلگرانی ڤە مە داخوازییا خویشك و برایێن خۆ یێن فراكسیۆنا سەدر پەسەند كر.
هەروەكی دهێتە زانین، حەفتییا بۆری، موقتەدا سەدر د پەیامەكێ دا داخواز ژ پەڕلەمانتارێن رەوتێ سەدر كربوو دەست ژ كاركێشانا خۆ بنڤیسن و ئیمزا بكەن و هەردەمێ داخواز ژێ كر رادەستی سەرۆكاتییا پەڕلەمانی بكەن.
Comments are closed, but trackbacks and pingbacks are open.