سه‌لاحه‌دین ده‌میرتاش سیاسه‌تمه‌دارێ كورد یێ باكورێ كوردستانێ راگەهاند، پێدڤییە بۆ چارەسەریێ چەکدارێن پەکەکێ چەکی بدانن و دانوستاندنان دگەل ئوجەلانی دەستپێبکەن.
زنار کاراڤیل، شیرەتکارێ دەمیرتاشی د تویتەکێ دا باس ل ناڤەرۆکا دوماهی پەیاما سەلاحەدین دەمیرتاشی کریە و ئاماژە کریە، دەمیر تاش گوتیە:” ئاریشە ب چەک و توندو تیژیێ چارەسەر نابن، پێدڤیە پەکەکە چەکی بدانیت، هەر وەسا گرنگە دانوستاندنان دگەل عەبدوللا ئوجەلانی دەستپێبکەن.”
سەڵاحەدین ده‌میرتاش، هەڤسەرۆکێ پێشتر یێ پارتا دیموکراتیکا گەلا ( هەدەپە ) ل 4/11/2016 ب تومەتا هاریکاریکرنا پەکەکێ دگەل ژمارەکا سەرکردە و پەرلەمانتارێن حزبا وی ژ لایێ حکومەتا تورکیا ڤە هاتنە دەستەسەرکرن.
ل گۆەری ئاماران تا نوکە 13 پەرلەمانتارێن پێشتر یێن هەدەپێ و شەش سەرۆک باژێرڤانی و چوار هزار ئەندام و کادرێن هەدەپێ د زیندانێن تورکیا دا هاتینە دەستەسەرکرن.
ل 22/12/2020، دادگەها ئۆرۆپا بۆمافێن مرۆڤی، دفاخواز ژ دەستهەلاتدارێن تەورکیا کر، ئێکسەر کەسایەتیێ سیاسی یێ کورد، سەلاحەدین دەمیرتاشی ئازاد بکەن، بەلێ رۆژا پاشتر رەجەب تەیب ئەردۆغان، سەرۆک کۆمارێ تورکیا راگەهاند، ئەو پێگیر نابن ب وێ بڕیارێ و ” دادگەها مافێ مرۆڤی یا ئۆرۆبا، نەشێتن ل جهێ دادگەها تورکیا بڕیارێ بدەت.”
Comments are closed, but trackbacks and pingbacks are open.