صلاح سندی، زاخــــو
دەم ژیانە یێ دەمێ خوە بهەروە دبورینن و بێ مفا ئەویێ خوە دکوژت چو نکە هەر چرکەکا ژ یانا مروڤی یێ دەربازدبیت یان بهەروە دچیت چ نەهێتە جهێ وێ ڤالاتیا دناڤا مەژی و هەست و دەرونێ خوەدا پەیدادکەن . ناڤەگەریتە ڤە دەم و ژڤان یێ بلەز دچیت ، هەلبەت بوان پشکا مروڤان ئەڤێن خودان کار و بەهرەمەند و بەردەوام و لڤین داهینانان دکەن وێ ڤالاتیا دمەژی وهەست و دەرونێ خوەدا پری بزاڤ و بەهرەمەندێن هەمەجور دکەن دهەموو بیاڤێن کارکرنێ مەرەم بو هندێ یە کوو بگەهیتە کوپیتکا ئارمانجێن ژیانێ مفایێ ژوی دەم و ژڤانی وەربگرن .
سەبارەت مروڤ چەند یێ د ژیانا خوەدا بزاڤ ولڤینێ بکەت بو تشتێن هەرە باش هەموو وەختا هزرێ ل هندێ دکەت ودبێژن چ دەم و وەخت تێرا مە ناکەت ، لڤێرێ یاخویایە ژیانا مروڤان دڤێ دجیهانێ دناڤا کومەکا بوویەرو رویدانێن خوش و نەخوش دا یێ دەربازبیت لەورا ئەو مروڤێ خودان بەردەوام هەول و بزاڤا دگەت سەربورا ژوان دەم و بوویەر و رویدانێن ل پێش وەربگرت ئە و کارو چالاکێن خوە تێدا ئەنجام ددەن روژ بو روژێ پتر داهینانان دکەن تایبەت دەمێ بهێنڤەدانا خوە ژی دا چ ل مال یان دەرڤەی مال مفایێ ژوان دەم و ژڤانێ دیارکری وەربگرن ، بەلێ هەگەر ئەم ل ژیانا مروڤێن وەلاتێن جیهانیێ وناڤین وناڤەراست بنێرن هەر ئێک برەنگەکێ ژیانێ دبنە سەر کەسێن روژ ئاڤایێ گەلەك گرنکە دبینن لدەمێ چاڤەرێ بوونا ژڤانەکێ وی دەمی دێ تەرخان کەت بو خواندنا پەرتووکان چ دەمێن وان بێ مفا بهەروە دەربازنەبیت، بەلێ لجەم مەژی دەم و ژڤان بەروڤاژی ڤەدگەرت چەند دەمێژمێران کارکرن و خزمەتێن پێدڤیێن روژانە پەیداکرنا پارێ نانێ ژیانێ و خودانکرنا خیزانێ یان ئەم ژی بمخابنیڤە دبێژن ، ئەم ژ دەم و ژڤانێ خوە دڤێ ژیانێ دا نەرازی نە بێ دستور چ نەخشێن زانستی و برێك و پێك و وەکهەڤیێ بو ژیانا مە نەهاتیە تەرخانکرن یان چاڤێ مەیێ لسەر دویرو مانشێتێن روژانە ئەوێن لسەر شاشێن مێدیایێ دئێتە نمایشکرن هەر ئێك ژمە دبێژن موچە کەنگی دئێتە دابەشکرن کی دبیتە خودان پوستە پلەیێن هەرە مەزن وەربگرن گەلەک تشتێن دنژی ، ئانکو دبیتە ئەگەر ڤێ چەندێ ژی باندورا خوەیێ یانەرینی لسەر هزرو بیرو باوەرێن ڤان جورە مروڤان بکەت دەم و ژڤانێ وانژی بهەروەی دبەر ئاڤ دا دچیت هەرو هەر ئەو سیک و بازارە ، یان پشکەکا دیا مژوڤان پیخەمەت بو هندەك ئەگەرێن نەچاڤەرێ کری کارێن خوە پاش دئێخن چ درێڤەبرنا مامەلە و سەرەریکرن دگەل یێ بەرامبەری خوە نە بو چ کارێن گرنکتر بە لکو بەس دا بشێن دبێژن دێ بێنڤەدانا خوە ڤەدن بو دەمێن داهاتی ، بتنێ دا دەم وەخت بهەروە دچیت وبێ مفا روژا پاشتر دێ ڤەگەرن لسەر وان کارو برێڤەبرنا مامەلێن خەلکێ چ ل کومپانیا و دناڤا دام و دەزگەهێن فەرمی دا ئەو رەنگە بەرپرساتیێ یە بو ئەنجامێن نەرینی دزڤرت دەمێ کارۆ مامەلەێن خەلکێ دکەڤیتە سەر ئێك ، راستە دێ بینی ب هزاران گەنچ و لاوو تەخێن جودا جود ا هەتا دگەهیتە دقویناغا ژناڤ سال چوویێ و مروڤێ دانعەمر دێ ل هندەك جهێن نەلگورەی وی دەم وەختێ وان لێ دبورینن چ ل گازینوێ وکافتیریا وکێشانا نارگیلەیێن هەمەجور یاریێن قومارێ باندورا خوەیا نەرینی لسەر ژیانا وان کریە کوژەمەکی پارێ زێدە دمەزێخن بو وی دەمێن بێ مفا بهەروە و دبورینن و بێ چارەسەری سەرەرای ڤێ چەندێ ژی دگلە وگازندەیان دکەن ژ هەلیل و مەلیل دبێژن گەنجا وەلات چول کرن قەستا ژ دەرڤەیێ هەرێمێ دکەن ژبێ کاری نەبونا دەلیڤەیێن کاری و دامەزراندنێ ئەڤ چەند ژی بوویە ئەگەرێ مژویل کرنا مێشکێ وان دەمێن خوە بهندەك کارێن بێ مفا نەرەوا پێڤە دبورینن ، ئەڤجا یافەرە و پێدڤی یە هەر ژشەقامی بگرە هەتا دناڤ ئەندامێن خێزانێ دا مەشق و راهینانان بکەن ئەو ڤالاتیا دناڤا دەم و ژڤانێ مەدا پەیدادبن پری بزاڤ وپێگەهاندنێ بکەن و هشیارکرنا کومەلگەهێ جڤاکی بەرەڤ گەش و ئارامیێ ڤە ببن ژبو خزمەتکرنا ئاڤ و ئاڤەدانی بوونا شارستانیەتا گەل و وەلاتی بژیانەکا ساخلەم و بەختەوەر دا بژین …
- دکاری هەموو بابەتێن خۆ ببینی …
Comments are closed, but trackbacks and pingbacks are open.