نڤیسینگەها ڕاگەهاندنا خاندنا بلند و ڤەکۆلینێن زانستیێن عێراقێ د ڕاگەهاندنەکێدا ئاماژە ب وێ یەکێ کر، ب لبەر چاڤگرتنا مەها رەمەزانێ بۆ تەمامکرنا پێدڤیێن پێشکێشکارێن خاندنا بلند دەمێ پێشکێشکرنێ هەیا رۆژا ئێکشەمبی ١٧ی ٤ی ٢٠٢٢ێ هاتە درێژکرن.
ئەو ژی دیارکر، هەروەسا درێژکرنا ئاستێ رێکارێن هویربینی هەیا رۆژا ٢٢ی ٤ی ٢٠٢٢ێ هاتە درێژکرن.
د پشکەکا دی یا ڕاگەهاندنێدا هاتیە، هژمارا ئەوێن داخازی پێشکێشکری ب مەرەما درێژیدان ب خاندنێ، زێدەترن ژ ٥٠ هزار خوێندکاران بۆ دبلۆما بلند و ماستەر و دکتۆرا.
ئەشکەرا ژی کر، ئەزمونێن وەرگرتنێ بۆ خاندنا بلند بۆ سالا خاندنێ ٢٠٢٢ – ٢٠٢٣ێ بۆ پسپۆرێن نوژداری و ئەندازیاری رۆژا ١٦ی ئەیارێ دێ هێنە کرن.
دبێژیت ژی، پسپۆڕێن زانستی و زانستێن چاندنێ و ڤێتێرنەری و زانستێ بڕێڤەبرنێ و ئابوری رۆژا ١٧ی ئەیارێ دێ هێنە کرن و پشتی وان ژی بۆ پسپۆڕێن زانستێن مرۆڤایەتیی رۆژا ١٨ ی ئەیارێ دێ هێنە کرن.
Comments are closed, but trackbacks and pingbacks are open.