ژێدەرەکی ژ وەزارەتا ناڤخۆیا هەرێمێ ڕاگەهاند، سوبەهی ل رۆژا دەنگدانا گشتیدا قەدەغەیا هاتن و چوونێ دناڤبەرا پارێزگەهێن هەرێمێ دا نابیت.
ئەڤرۆ شەمبی، ژێدەرەکی ژ وەزارەتا ناڤخۆیا هەرێمێ ڕاگەهاند، سوبەهی ل رۆژا دەنگدانا گشتیدا قەدەغەیا هاتن و چوونێ دناڤبەرا پارێزگەهێن هەرێمێ دا نابیت.
ددەمێ دەربازبوویدا لژنەیا بلندا ئەولەکاریا هەلبژارتنێن عێراقێ ڕاگەهاند، ل رۆژا ئێکشەمبی ١٠ی تشرینا ئێکێ، ل رۆژا دەنگدانا گشتی دا هاتن چوونا دناڤبەرا تەڤایا پارێزگەهان دێ هێتە راگرتن.
ئاماژە ب وێیەکێ ژی کریە، هاتن و چوون دناڤبەرا ئیدارەیا ئێک پارێزگەهـ دگەل قەزا و ناحیێن وێ ناهێتە راگرتن.
هەروەسا، دەربارەی گەشتێن ئەسمانی و دەرازینکێن سنوری، ل رۆژا شەمبیێ ٩ی تشرینا ئێکێ دەمژمێر ٩ی شەڤ هەیا دەمژمێر شەشی سپێدێ یا رۆژا دووشەمبی ١١ی تشرینا ئێکێ تەڤایا بالەفڕخانەیان و دەروازەیێن سنوری دێ هێنە دائێخستن و تەڤایا گەشتان بۆ دەرڤەی عێراقێ و بەروڤاژی دێ هێنە راگرتن.
پرۆسەیا دەنگدانا تایبەت ل دەمژمێر ٧ی سپێدێ دەستپێکر ل دەمژمێر ٦ی ئێڤاری ب داوی هات و تەڤایا سندوقێن دەنگدانێ هاتنە دائێخستن و ئامیرە ژی ب رەنگەکێ ئۆتۆماتیکی ڤەمرین.
ل تەڤایا عێراقێ، ئێک ملیۆن و ٧٥ هزار و ٧٢٧ کەسان ژ هێزێن ئەولەکاریێ مافێ پشکداریا دەنگدانێ هەبوو، ١٢٠ هزار و ١٢٦ ئاوارەیان ژی مافێ دەنگدانێ هەبوو، د گرتیخانەیان ڤە ٦٧١ کەسان مافێ دەنگدانێ هەبوو.
سوبەهی ١٠ی ١٠ دەنگدانا گشتی ل تەڤایا عێراقێ دێ دەستپێکەت و تێدا نێزیکی ٢٥ ملیۆن کەسان مافێ دەنگدانێ هەیە بۆ مەرەما هەلبژارتنا ٣٢٩ ئەندام پەرلەمانێن نوی بۆ جڤاتا نوینەرێن عێراقێ.
Comments are closed, but trackbacks and pingbacks are open.