بەرێ سپێدەهیا ئەڤرۆ نێزیک گوندێ شین ئاڤا ل سەر جاددا دێرەبوونێ ترۆمبێلەک وەرگەریا و دوو کەس کو کور و بابن بوونە قوربانی.
ڕاگەهاندنا بەرەڤانیا باژێرێ دهۆکێ ڕاگەهاند، ئەڤرۆ دەمژمێر ٧:٠٠ سپێدێ لسەر جاددا زاخۆ-دێرەبوون ترۆمبێلەکا ژ جورێ تکسون وەرگەریا و کورەک دگەل بابێ خۆ دناڤدابوون، باب کو شۆفێرێ ترۆمبێلێ بوو ژیانا خۆ ژ دەستدا و کور ژی برینداربوو.
ئاماژە ب وێیەکێ ژی کر، تیمێن وان گەهشتنە جهێ بوویەرێ و بۆ نەخۆشخانێ ڤە گوهاستن، گوت ژی، قوربانی خەلکێ شنگالێ نە.
ل گۆرەی ئامارێن هاتن و چوونێ ل هەرێما کوردستانێ، د حەفت مەهێن دەستپێکا ئەڤ سالەدا دوو هزار و ٢٨٧ بوویەرێن هاتن وچوونێ روویدانە، کو تێدا ٣١٦ کەسان ژیانا خۆ ژ دەستدایە و سێ هزار و ٩٩١ کەس ژی برینداربووینە.
بوویەرێن هاتن و چوونێ ب ئێک ژ سەدەمێن سەرەکی یێن ژیان ژ دەستدان و برینداربوونێ یان کێمئەندانم بوونێ دهێنە دانان ل هەرێمێ، کو بەشەک ژ وان پەیوەندی ب خرابیا جاددێ ڤە هەیە و بەشەکێ دی ژی پەیوەندی ب پێگیر نەبوونا شۆفێران و بلەز چوونێ کو زێدەتر ژ رێنمایێن هاتن و چوونێ هەیە.
Comments are closed, but trackbacks and pingbacks are open.