زێ بادینان
ل تاخێ شەهیدان یێ سەنتەرێ قەزا سێمێلێ تەرمێ زەلامەكێ تەمەن 55 ساڵی هاتە دیتن كو ب گوللەیان هاتییە كوشتن و ل گورەی زانیاریێن هاتینە بەڵاڤكرن، ئەو كەسە لسەر كێشەكا كۆمەڵایەتی هاتییە كوشتن.
هێمن سلێمان پەیڤدارێ بناڤێ ڕێڤەبەرییا پۆلیسێن پارێزگەها دهوك ڕاگەهاند، پشتی پۆلیس لسەر كوشتنا زەڵامەكی ل تاخێ شەهیدان لسەنتەرێ قەزا سێمێلێ هاتینە ئاگەهداركرن، ئێكسەر گەهشتنە جهێ روودانێ و تەرمێ وی كەسی بۆ نوژدارییا داد هاتە ڤەگوهاستن، و هێمن سلێمان دا زانین، كوشتنا وی كەسی لسەر كێشەكا كۆمەڵایەتی بوو، و هەتا بەڵاڤكرنا ڤی هەواڵی بكوژێ وی خۆ ڕادەستی پۆلیسان نەكرییە.
دهێتە زانین دڤێ حەفتیێدا ئەڤە سێیەم كەسە دسنورێ پارێزگەها دهوكدا دهێتە كوشت، ڕوودانا ئێكێ كوشتنا كچەكا 20 ساڵی بوو ل قەزا ئاكرێ، حالەتێ دوویێ كوشتنا ژنەكا 22 سالێ بوو ل كۆمەڵگەها دۆمیز، و كوشتنا ڤی زەڵامی ژی سێیەم حالەتێ كوشتنێ یە ل دهوك دهێتە تۆماركرن دماوێ حەفتیەكێدا.
Comments are closed, but trackbacks and pingbacks are open.