د. خەیری عەلی ئوسۆ، رێڤەبەرێ گەشتوگوزارێ ل دهۆکێ بۆ ئه‌ڤرۆ نیوز دیار كر: پێشانگەها گەشتوگوزاری دێ ل پارێزگه‌ها دهۆكێ هێته ڤه‌كرن و هه‌تا نوكه چ پێشانگه‌هێن ژ وی جۆری ل دهۆكێ نه‌هاتینه ڤه‌كرن.
ناڤهاتی گۆت ژی: ل رۆژا 27 ئیلۆنا 2022 ێ” ل ده‌مژمێر پێنجی ئێڤاری، ب پشكدارییا چەندین کۆمپانی یێن ده‌رڤه یێن ناڤخۆیی، دێ پێشانگەهه‌كا گەشتوگوزاری ل پارێزگه‌ها دهۆکێ هێته ڤه‌كرن و ئه‌ڤه دێ بیته هوكار كو جاره‌كا دی كه‌رتێ گه‌شتییاری ڤه‌ژاندنێ ب خۆڤه ب بینیت” هه‌روه‌سا ئه‌و پیشانگەهە دێ بیته هۆکاره‌ک بۆ هندێ کۆمپانی ئێكدو بنیاسن کارێ ئێكودۆ ب بینن و گرێبەستان ل گه‌ل ئێك ئیمزا بكه‌ن، ئه‌ڤ چه‌نده دێ د بەرژەوەندییا کەرتێ گەشتییاری یێ پارێزگه‌ها دهۆکێ دا بیت و ب ره‌نگه‌كێ گشتی 150 كۆمپانی یێن بیانی ژ وان وه‌لاتان دێ پشكدارییێ تێدا كه‌ن و دێ چه‌ندین برگێن هونه‌ری ژی هێنه ئه‌نجامدان.
د. خه‌یری عه‌لی ئوسۆ” ئه‌و ژی ئاشكرا كر: وه‌سا بریارە کۆمپانی یێن گەشتیاری یێن ولاتێن، مسرێ، تورکیا، ئیران، رووسییا، سوید، لوبنان و ئوردنێ پشكدارییێ د وێ پێشانگەهێ دا کەن و ئەوێن پشكدارییێ د وێ پێشانگەهێ دا دكه‌ن دێ بنه هۆکاره‌ك بۆ راکێشانا گەشتیارێن زێده‌تر بۆ پارێزگه‌ها دهۆکێ” هه‌روه‌سادێ وان كۆمپانیان به‌ینه جهێن گه‌شتییاری ل سنۆرێ قه‌زا ئامێدیێ و د هه‌مان ده‌مدا دێ وان كۆمپانی یێن گه‌شتیاری یێن عیراقی یێن گه‌شتییاران د ئیننه دهۆكێ ژی مێهڤان كه‌ین و دێ كه‌نالێن عه‌ره‌بی ژی گازی كه‌ین و دێ ریكلامه‌كا باش بۆ وێ پێشانگه‌هێ و جهێن گه‌شتیاری ژی كه‌ین.
Comments are closed, but trackbacks and pingbacks are open.