د ئەنجامێ لێکدانا بارهەلگرەکێ و مینی پاسەکێدا ل پارێزگەها سیواسا باکورێ کوردستانێ، حەفت کەسان ژیانا خۆ ژدەستدان و نەهـ کەسێن دی ژی برینداربوون.
ئاژانسا ئەنادۆل بەلاڤکریە، ژ ئەنجامێ وێ بوویەرێ، شۆفێرێ مینی پاسێ و شەش کەسێن دی ژی ژیاناخۆ ژ دەستدان.
ئاماژە ب وێ ژی کریە، بریندار ب مەرەما وەرگرتنا چارەسەریێن نوژداری، بۆ نەخۆشخانەیان هاتینە شاندن.
قایمقایمێ قەزا کەنگال، بۆ میدیایان راگەهاند کو ئەو مینی پاسە ل ئاهەنگەکا هەڤژینیێ ڤەگەریایە ل بورسا بۆ مالاتیا و بارهەلگرێ ژی بار ڤێ بوویە کو ل مالاتیا ڤیایە ڤەگوهێزیت بۆ ئەماسیا.
ژ ئالیێ خۆڤەژی یلماز شیمشەک پارێزگارێ سیواس، پشتی سەرەدانکرنێ بۆ جهێ وێ بوویەرێ، ب ئاماژەدان ب وێ کو هەمی کارێن پێتڤیێن پەیوەندیدار ب وێ بوویەرێ هاتینە ئەنجامدان، ڕاگەهاند ژی، “ب لێبۆرین ڤە برینا هەمی برینداران گرانە، و دوو ژ برینداران زارۆکن”.
Comments are closed, but trackbacks and pingbacks are open.