ل سەر ئاستێ هەرێما کوردستانێ ژی زانکۆیا سلێمانیێ ل رێزا ئێکێ یە

رێزبەندیا زانکۆیێن جیهانێ بۆ 4 هەیڤێن دەستپێکێ یێن سالا 2021ێ هاتە راگەهاندن و سێ زانکۆیێن هەرێما کوردستانێ د رێزبەندیێ دانە.

سازیا Scimago Institution یا دیارکرنا رێزبەندیا زانکۆیێن جیهانێ رێزبەندیا 4 هەیڤێن دەستپێکێ یێن سالا 2021ێ بەلاڤ کر و رێزبەندی ل گۆرەی ژمارەیا ڤەکۆلینێن زانستی، ژمارەیا کەسێن ڤەکۆلینێن زانکۆیان وەک ژێدەرێن زانستی بکار ئیناین، ژمارەیا داهێنان و چالاکیێن جڤاکی هاتیە کرن.

د رێزبەندیێ دا زانکۆیا هارڤارد و سکۆلا هارڤارد یا نوشداری ل رێزێن ئێکێ و دویێ نە و زانکۆیا سینگوا یا چینی ل رێزا سێیێ یە و هەروەسا زانکۆیێن ستانفۆرد و ماساچۆسێتس یێن ئەمریکی ل رێزێن چارێ و پێنجێ نە.

ل سەر ئاستێ ئیراقێ، زانکۆیا بەغدا ل رێزا ئێکێ یە و زانکۆیا موستەقبەل ل رێزا دویێ یە.

ل سەر ئاستێ هەرێما کوردستانێ ژی زانکۆیا سلێمانیێ ل رێزا ئێکێ یەhttp://رێزبەندیا زانکۆیێن جیهانێ بزانە

ل سەر ئاستێ هەرێما کوردستانێ ژی زانکۆیا سلێمانیێ ل رێزا ئێکێ یە و زانکۆیا دهۆکێ ل رێزا دویێ و زانکۆیا سەلاحەددین ل رێزا سێیێ یە.

ل سەر ئاستێ هەرێما کوردستانێ بتنێ ئەڤ هەرسێ زانکۆیە چووینە د رێزبەندیێ دا و ل سەر ئاستێ ئیراقێ زانکۆیا واست ل رێزا دوماهیێ یە.