ڕۆژهەلاتێ كوردستانێ تنێ دماوێ حەفتیەكێدا شەش وەڵاتیێن كورد ل گرتیخانێن ورمێ و كرماشان و ئیلام ژلایێ دەستهەڵاتدارێن ئیرانێ ڤە هاتنە سێدارەدان.
د ڕاپۆرتەكێداڕێكخراوا هەنگاو بۆ مافێن مرۆڤی ل ڕۆژهەلاتێ كوردستانێ ئاشكرا كر، ل ڕۆژا ئەینی ڕێكەفتی 10 ڤێ مەهێ، دەستهەڵاتدارێن كۆمارا ئیسلامی دوو وەڵاتیێن كورد بناڤێن قلیچ شكویی و وەحید بێمەهرام ب تاوانا بازرگانیێ ب ماددێن هۆشبەر سێدارەدان، دهەمان ڕۆژدا وەڵاتیەكێ دی بناڤێ ئەیوب لوتفی ل گرتیخانا دزلئاوا ل پارێزگەها كرماشان ب تاوانا كوشتنێ سێدارەدا، و ل ڕۆژا چوارشەمبییا دەربازبوویی ڕێكەفتی 9 ڤێ مەهێ ژی هەر ل گرتیخانا دزلئاوا دوو كەسێن كورد بناڤێن خەسرەو تارق و كەمال بیانی ب تاوانا كوشتنا مەبەستدار هاتنە سێدارەدان، دهەمان ڕۆژدا وەڵاتیەكێ دی بناڤێ ستار ئەرغەندە ل گرتیخانا ئیلام ژلایێ دەستهەڵاتدارێن ئیرانێ ڤە هاتە سێدارەدان.
ل ڕۆژا 25 ـ 5 ـ 2022 ڕێكخراوا لێبوورینا نێڤدەولەتی ڕاپۆرتەك دەربارێ سزایێ سێدارەدانێ ل سەرانسەر جیهانێ بەڵاڤكر و تێدا ڕاگەهاند، جێبەجێكرنا سزایێ سێدارەدانێ ل ئیرانێ زێدەبووییە، ل گورەی ڕاپۆرتا ڕێكخراوا لێبوورینا نێڤدەولەتی، 50% ژ سزایێن سێدارەدانێ دساڵا 2021 دا ل ئیرانێ هاتینە جێبەجێكرن.
Comments are closed, but trackbacks and pingbacks are open.