سەدەمێ هاڤێتنا قۆرئانا ل هەولێرێ ئاشکرابوو
عەباس محەمەد سنجاوی ئەندامێ جڤاتا پارێزگەها هەولێرێ ڕاگەهاند، ئەو قورئانا ل هەولێرێ ژ ئالیێ کچەکێ ڤە ب هاڤێتی و دریای لسەر جاددێ هاتیە دیتن ژ ترۆمبێلەکێ کەفتبوو خارێ و خودانێ وێ ژی خێزانەکا ئەهلێ نڤێژ و جەماعەت و قورئانێ یە.
وی ئەندامێ جڤاتا پارێزگەها هەولێرێ د هەژمارا خۆیا فەیسبووکی دا ل تۆڕا کۆمەلایەتیا فەیسبووکی نڤێسایە، “دوهی پشتی ئەنجامدانا نڤێژ و تەراویحان ل مزگەفتێ زەلامەک دگەل خێزانا خۆ ژ باژێرێ دچنە گوندی دگەل بارکرنا هندەک کەلوپەلان قورئانەک دناڤا عەلاگەیەکێ دایە دەستپێکێ لسەر بانێ ترۆمبێلێ دانن، لێ پشترە ژ بیرا وان دچیت بکەنە دناڤا ترۆمبێلێ دا، هەیا دگەهنە گوندی ل قورئانا خۆ دگەرن، بۆ وان دیاردبیت لسەر سەیاری بجی هێلانە و پاشی کەفتیە خارێ”.ئاماژە ب وێیەکێ ژی دکەت، ئەو زەلامە هاتیە دەف ماموستایێ مزگەفتێ و زەلالکرن دایە و گەلەک دلگرانبوویە، ماموستا شاهدی بۆ وی دایە کو ئەهلێ نڤێژێ یە و هەڤالێ وی یە.ل داویا نڤێسینا خۆ دا وی ئەندامێ جڤاتا پارێزگەها هەولێرێ ئاماژە ب وێیەکێ ژی کریە، شنو بەریا نڤێژا سپێدێ دەستپێبکەت ماموستایێ مزگەفتێ بۆ پشتراستبوونا هەموویان بەحسا وێیەکێ کر و گوت بڕیارە ئەڤرۆ ئەو زەلامە زەلالکرنێ بۆ ڕایا گشتی بدەتن.
Comments are closed, but trackbacks and pingbacks are open.