بێریڤان خــــدر
6/12/2021
بمخابنی ڤە ئەڤە ماوێ چەندین سالانە و تایبەت دشەرێ دژی داعش و حەشدا شەعبی دا بمخابنیەک مەزن ڤە ئەم پتریا جارا راگەهاندنێ بشاشی بکار تینن، و دبەرژەوەندا دوژمنان دا ئەم یێ راگەهاندنا خو دکەن.
هندی من دیتی و گوهـ لێ بی راگەهاندنا جەنگی هەیە( ٲعـلام الحربي ) راگەهاندنا جەنگی چجارا نابێت ئامارا دورست یا شەهید و بریندار و قوربانیان بدێت دیارکرن هندی جەنگ بەردەوام بێت داکو دوژمن مورالا وان بەرز نەبێت و هەر وەسا مورالا لەشکەری ژی کێم نەبێت وترس نەکەڤێت دلێ هەوەلاتیان دە.
مللەتێ مە نوکە یێ وەلێ هاتی هەر ئێک دناڤ لحێفا خو دا یێ بوی راگەهاندنکار و شولوڤەکارێ لەشکەری و سیاسی و جڤاکی وهتد…
ئەرێ باشە ما ئەم بو هزر دوێ چەندێ دا ناکەن ئەڤە مەزنترین هاریکاریە ئەم بۆ دوژمنی دکەن دەما ئەم رادگەهینن لسەر تورێن جڤاکی ل فلان محوەری پێشمەرگەی هندە شەهید و بریندار دانە، ئایا ما بوچی لجهێ دەنگ و باسێ نەخوش ئەم نابن پالپشت و بشتەڤان بۆ بەرزکرنا مورالا پێشمەرگە و خەلکێ سڤیل.
پێتڤی یە ل دەمێ بەلاڤکرنا دەنگ و باسا ئەم هزر دخێزانێ وان پێشمەرگا دە بکەن، نەکو ترسێ بکەن دلێ دەیک و باب و خێزانێن وان دە، هێڤیا من ئەوە ئەڤ کەسانێن خو دانن راگەهاندنکار لبشت کیپورتا رینشتی بیجەک پێداچوونێ دمێشک و هزر و تێگەهشتنا خو دا بکەن بەری هەر دەنگ و باسەکی بلەز بەلاڤکەن.
هەر وەسا پێتڤیە جهێن پەیوەندیدار لسەر ڤێ چەندێ براوەستن بلا بەس بێت ترسێ بکەن دلێ مللەتێ کورد دا بەری رویدان رویبدێت….
Comments are closed, but trackbacks and pingbacks are open.