)
راگەهاندن مە پێش دئێخیت یان پاشڤە دبەت!
زەنوون سلێڤانەی ـ زاخو
راگەهاندن ل جیهانێ بهێزترین زمانێ هەر وەلاتەكییە و دشێت سیاسەتا وی وەلاتی بگوهوریت و كارتێكرنەكا زورا مەزن ل سەر ئابور و رەوشەنبیری و هەمی لایەنێن وی كومەلگەهی یان وی وەلاتی بكەت، ئەگەر ئەو راگەهاندنە ب زانستییانە هاتە بكار ئینان و كەتە دخزمەتا وی كومەلگەهی و وی وەلاتیدا.
لڤێرە پرسیار ئەوە، راگەهاندن لدەف مە چەند شیایە رولێ خوە یێ دروست بگێریت، كو ب سەدان كەنالێن راگەهاندنێ ژ تی ڤی و رادیو و رۆژنامە و كوڤاران مە هەنە.
ئەگەر بەرێخوە بدەینێ، دڤان چەند سالێن داویێ دا، ئامیرەتێن زانستی و پێشكەڤتی هاتینە دناڤا گورەپانا بزاڤا كارێ راگەهاندن و روژنامەڤانیێ دا، بگرە ژ پربوونا مالپەر و سایتێن ئەلكترونی و تورێن كومەلایەتیێ بلەزتر و برەنگەكی راستەخوە بوان ب دیمەنێن خوەیێن دەنگ و رەنگ شیایە ب ئاشكەرایێ گشت راستی و نەراستیان بدەنە خوەیاكرن، لدور كێشە و كرێزێن هەمەجور و خواست و مافێن خەلكی ب سەلمینیت.
یا من دڤێت بێژم، ئەڤ راگەهاندنە دێ چاوان كەڤیتە د خزمەتا كومەلگەهیدا و ئەم چاوان سەرەدەریێ دگەل بكەین، شوونا ب بیتە كێر و خوە پێ بریندار بكەین، ئەم مفای ژێ وەربگرین، بهزرا من، دڤێت خواندنەكا تێر و تەسەل بو هەبیت و بهێتە هەلسەنگاندن ژ چەند روویانڤە، رێنیشاندان هەبیت و باشی و خرابیێن وێ بۆ هاولاتییا بهێنە روهنكرن، كو ئەم مفای ژێ وەربگرین، مەبەستا من زێدەتر راگەهاندنا ئەلەكترونی و سوشیال میدیاە، ئەڤە ژی دڤێت لیژنەكا تایبەت ژ كەسێن بسپور بهیتە دروستكرن و رێنمایێن خوە هەبن.
Comments are closed, but trackbacks and pingbacks are open.