رولێ ژنا کورد خەبات و ئایندە

زەنون سلێڤانەی ـ زاخو

ژنا کورد دیتنێن روژ هەلاتناساندا ئازاتی و وێرەکی و چەلەنگیا ژنا کورد زێدەباری نەبوونا جوداهیا دناڤبەرا رەگەزێ ژن و مێران دا ل ناڤ کومەلگەهێ جڤاکێ کورداندا بوویە جهێ سەرەنجا روژهەلاتناسان لەوما دپەرتووك و یادگاریێن روژانێن خوەدا ناڤێ گەلەك ژنان خەملاندیە بەحسێ ژنا کورد کریە ،
بێگومان ئێك ژ گەروکێن پێشەنگێن ئەوروبی ل روژهەلات بناڤێ (پەترو دەلا ڤالا ) ل دەسپێکا سەدسالا هەڤدان ل داویێ یاگەشتا خوە یاسالا (١٦٥٠ ز ) ی دا ل روما لژێر ناڤونیشانێن (گەشتەك روژ هەلات ) دبێژیت . ل رییا دناڤبەرا بەغدا و کرمانشاە دا ل مەها کانوونا دووێ یاسالا ۱۹۱۷ ز ی دا دڤێ رێدا کورد ناسکرن ، ناڤبری بڤی ئاوایێ ڤالا ژنێن کورد دکەت ژنا کورد بسەربەستی هاتن و چوونێ دکەن و سیمایێ خوە ناڤەشێرن هەر وەسا ب مێران را چ کورد یان بیانی دئاخڤن خوە نادتە پاش گەروگێ ئەوروبی (دیلا ڤالیە ) ل سەر ڤێ مژارێ دیتنێن خوە ئانیە زمان و دبێژیت . ژنا کورد ئازاد و سەربەسترە ژ هەموو وەلاتێن کەنداڤی و ئیسلامی یێن دەوربەران هەر وەسا (ئێدموندز ) کو ئەو چاخێ ئنگلیز ل ئێراقێ کورد ناسکرن و چوویە دناڤ جڤاکێ کوردیدا دبێژیت .. ژنا کورد پر حەز ژپێشداچوونێ دکەن ،
ناڤبری دبێژیت چاخێ مە خواست دبستانێ ل شارێ سلێمانیێ دەر دورا وێ ڤەکەین کوردان بدل گەرمی پێشوازیکریە ، نە بتنێ ل باژێران ئانکو ل گوندان ژی کو کەسێن تەمەنێ وان مەزن ژی دکچێن دتەمەنێن ژ (٢٠ هەتا ٣٥) سالیێ دا دهاتن دبستانێ وان خواست فێرببن دیسا میناکەك بالکێش ددەت و دبێژیت . چاخێ مە خواست دبستانێ ل کوێە ژ ڤەکەین ل سالا ۱۹۲٥ ز ی دا مەلایێ مەزن یێ کوێە رازی بوو کچا وی ژی تەڤلی کوران بچیتە دبستانێ ، بەلکو ئەڤرو تشتەکی هەرە گرنگ بو وی سەردەمی بسەرێ خوە شورشەك جڤاکی بوو ،
هەر وەسا هەموو گەریدەیێن ئەوروبی ڤێ یەکێ خوەیادکەن کو جڤاکێ کوردی جڤاکەکی ڤەکریە دخوازیت پێشدابچیت ل سەر ڤێ مژارێ بدەهان بەلگەنامە کومکرین و ڤەکولین ل سەر رولێ ژنا کورد چ دبیاڤێن خەباتا رامیاری وجڤاکی و پەروەردەیێ دا ژ ئالیێ تەڤ گەروك ونڤیسەڤان و کەساێەتین بیانی ڤە جڤاکێ کوردی هاتیە سەلماندن ،
هەلبەت جڤاکا کوردی لگورەی جڤاکێن وان وەلاتێن کورد تێدا هاتینە پارڤەکرن جوداهیەك مەزن هەیە ژبەر کو ئەنجامێن ئەدەبیات ڤەکولینێن هەمەجور ل سەر رولێ ژنا کورد دگشت بیاڤێن خەبات و کاریدا نەخاسمە دقویناغێن سەخت و سەردەمێ شورەش و بزاڤا ئازدیخواز دا هاتیە کرن ژئالیێ گەروك وجڤاکناسانڤە هاتیە پەسن و پێناسەکرن بێگومان کو رولێ ژنا کورد دناڤا کومەلگەهێ جڤاکێ کوردیدا وەك بنگەهـ ژن جڤاکەکێ ڤەکریە ،

• دکاری هەموو بابەتێن خۆ ببینی ….