روونكرنه‌ك ژ دادگه‌ها پێداچوونێ و جڤاتا دادوه‌ریا هه‌رێما كوردستانێ
دەزگەهێ مێدیایی زێ بادینان :
دادگه‌ها پێداچوونێ و جڤاتا دادوه‌ری یا هه‌رێما كوردستانێ د روونكرنه‌كێ دا ل دۆر كه‌یسا گرتیێن به‌هدینان راگه‌هاند: بریارێ پله‌یا دوماهیێ وه‌رنه‌گرتیه و حكومكری دشێن تانێ لێ بده‌ن”
د وێ روونكرنێ دا دادگه‌ها پێداچوونێ ئاماژه ب بریارا دادگه‌ها پێداچوونا هه‌رێمێ و كارڤه‌دانێن وێ ل سه‌ر ئاستێ ناڤخۆ و ده‌رڤه كریه و تێدا هاتیه: ئه‌و دوپات دكه‌ن كو ل هه‌می قۆناغێن دادگه‌هكرنێ و بریاردانێ ل سه‌ر وێ دوسێیێ پشتبه‌ستن ب زانیاری و به‌لگه و دیكیۆمێنتا و پیشه‌ی و یاسایانه و سه‌ربه‌خۆ و بێلایه‌نانه سه‌ره‌ده‌ری كریه.
خۆیا ژى كریه: كو هنده‌ك ژ كارڤه‌دانان دچنه دخانه‌یا ده‌ستێوه‌ردانێ د كاروبارین دادگه‌هێ دا و رێزنه‌گرتنه ل سه‌ربخۆیا ده‌ستهه‌لاتا دادوه‌ری.
سه‌باره‌ت ناڤئینانا كۆنسۆلخانه‌یێن ئه‌مریكا و ئه‌لمانیا ژى ئاماژه دا: وان تاوانباران ناڤێ وان كۆنسۆلخانه‌یان ئینایه و دادگه‌هێ ئه‌و ب تۆمه‌تبار نه‌زانین، هه‌روه‌سا به‌رهه‌ڤیا خۆ نیشان دایه د چوارچووڤێ كارێ دپلۆماسی و یاسایێن كاربرێكه‌ر وان ئاگه‌هدار بكه‌ن و هه‌می زانیارى و به‌لگه و دیكیۆمێنتان بۆ وان كۆنسۆلخانه‌یان نیشان بده‌ن.
دادگه‌ها پێداچوونێ و جڤاتا دادوه‌ری یا هه‌رێما كوردستانێ ئه‌و ژى نه‌ڤه‌شارت: كو تا نوكه بریارێ پله‌یا دوماهیێ وه‌رنه‌گرتیه و قۆناغه‌كا دی یا تانلێدانێ مایه، سزادایی ژی دشێن گۆره‌ی یاسایێ تانێ پێشكێش بكه‌ن بۆ راستڤه‌كرنا بریارێ.
Comments are closed, but trackbacks and pingbacks are open.