زێ بادینان، جیهانی :
روژنامه‌یكا توركى به‌حسێ ده‌ستپێكرنا دانوستاندنان دناڤبه‌را ده‌ستهه‌لاتادرێن ئه‌ردوغانى دگه‌ل كوردان دكه‌ت، میتا توركیا ژى بو رێڤه‌به‌رنا دانوستاندنان راسپاردیه.
روژناما زه‌مان یا توركى به‌لاڤه‌كریه، ده‌ستهه‌لادارێن پارتا داد و گه‌شه‌پێدان، كو چه‌ند ساله‌كه دناڤبه‌را سیاسه‌تا نافخو و ده‌رڤه توشى چه‌ندین گرفتێن مه‌زن بوویه و به‌رى هه‌لبژارتنێن سه‌روكاتیێ ل سالا 2023 رێژه‌یا ده‌نگێن وێ بو 30 ژ سه‌دێ كێمبووینه، دووباره چاره‌سه‌رى ل لایێ وه‌لاتیێن كوردان دیتیه.
هه‌ڤده‌م وێ روژناما توركى ل سه‌ر زارێ ژێده‌ره‌كێ ئه‌منى ئاشكرا دكه‌ت، ئه‌ردوغانى ده‌زگه‌هێ هه‌والگیری چالاككریه بو قوناغا دوویێ یا دانوستاندنان دگه‌ل كوردان، پشتى قوناغا ئێكێ كو سالا 2009ێ ده‌ستپێكرى و ب ناڤ كرى (پروسه‌یا ئاشتیێ) و لدیف وى ژێده‌رێ روژناما زه‌مان، هه‌ردوولا چه‌ندین كومبوون ل بروكسل پایته‌ختێ به‌لجیكا ئه‌نجامداینه بێ كو ئاشكرا كربیت ئه‌و لایه‌نێ كوردى دانوستاندن دگه‌ل كیبوون.
Comments are closed, but trackbacks and pingbacks are open.