زێ بادینان، جڤاکی :
ل گورە پاراستن و هەبوون و گرنگیا داب و نەریتێن کوردان مژارەک گرنگ دبینن لەوما وەک مالپەرێ ” زێ بادینان” ئەڤ پرسە ئاراستەی هند کەساتییێن جودا جودا کر ل باژێرێن کوردستانێ و ئەڤە ژی ئێکە ژ وان مژارانە و دیدارا جڤاکی دگەل 🔸روژنامەڤان ، زێرەڤان تەمۆ 🔸 بۆ مە وەها دا دیارە کرن و دبێژیت .
هەبوون و پاراستنا داب و نەریت و تیتالێن جوانێن کوردان گەلەک پێتڤی و گرنگ و فەرن ژبەرکو پتر گرێدایی هاریکاری و رێزگرتن و کارێن خێرخوازی و سەرەدان و ب هەوارچوونا لێقەوماوان و ژینگە پارێزی و ئاشتەوایی یا کومەلایەتی بخۆڤە دگریت و گەلەک مژار و بابەتێن گرێدایی ب جڤاکی ڤە کو نوکە رێکخراوێن جیهانی ژی کار لسەر ڤان بابەتان دکەن.
“ئەز دگەل وێ چەندێ مە کو کار لسەر داب و نەریتێن کوردان بهێنەکرن و لدەسپێکێ ژ ناڤ نەچن و بهێنە پاراستن“
لێ مخابن نوکە ب ناڤێ ئازادیا تاکەکەسی و ئازادیا رادەربرینێ و هەتا دوماهیێ ب وی شێوەیی نییە تایبەت ئەوا دهێتە دیتن ل کەنالێن مە یێن ئاسمانی ژی پتر یێن دهێنە دیتن سفورن و دناڤ بازاری و رۆژی گران دگەرێن کو دگەل رەوشت و تیتالێن کوردان د گونجایی نینە کو بەروڤاژی پێتڤی یە کار لسەر دابونەریتێن جوانێن کوردان کاربکەن ، و وێ جوانیێ ب دیار بێخێن بۆ بینەرێن خۆ یان دێ بینی کو زۆربەیا کەنالێن فلم و درامایێن بیانی وەردگێرنە سەر زمانێ کوردی و چ فیلتەر بۆ ڤێ چەندێ نینە ژبال سازیێن پەیوەندیدار دەربارێ رەفتار و زمانێ دیالوکێ و ب کارئینانا جل و بەرگا و رەفتارێن وان دناڤ وان فلم و درامایاندا کو دگەل داب و نەریتێن مە دگونجایی نینە و سەدەمن بۆ تێکدانا رەوشت و تیتالێن کوردان، ئەز دگەل وێ چەندێ مە کو کار لسەر داب و نەریتێن کوردان بهێنەکرن و لدەسپێکێ ژ ناڤ نەچن و بهێنە پاراستن
Comments are closed, but trackbacks and pingbacks are open.