پشتی ئۆکراینا راگەهاندی دێ ئێکەم سوپایێ فرۆکەیێن بێ فرۆکەڤان لسەر ئاستێ جیهانێ دروستکەت، رۆسیا گەفێن بکارئینانا نویترین و مەترسیترین چەکێ خۆ دکەت دژی ئۆکراینا.
ئەو چەکێ رۆسیا گەفا بکارئینانێ دکەت دژی ئۆکراینا، چەکەکێ کەهرۆمۆگناتیزی یە بناڤێ ستۆپەر دهێتە نیاسین و تایبەتە ب سیستەمێ بەرگریا ئاسمانی و ئێخستنا فرۆکەیێن بێ فرۆکەڤان .
سەرۆکوەزیرێن ئۆکراینا میخائیل ڤیدۆرۆڤ راگەهاندیە: ئۆکراینا ئامادەکاریان دکەت بۆ کرینا 200 فرۆکەیێن بێ فرۆکەڤان بۆ بکارئینانا وان د شەری دا، و داخاز ژی کریە هەر وەلاتەکێ ئەو فرۆکە هەبن، وەک هاریکاری پێشکێشی وان بکەت.
ئەو چەکێ رۆسیا گەفان پێ دکەت بۆ ئێکەم جارە رۆسیا دێ دژی ئۆکراینا بکارئینیت.
ژ ئالیێ خۆ ڤە سەید غەنیم، سەرۆکێ پەیمانگەها کاروبارێن ئاسایشا جیهانی راگەهاندیە؛ چەکێ ستۆپەر ژ ئالیێ ناڤەندا سەرەکی یا ڤەکۆلین و تاقیکرنێن رۆبۆتان یا رۆسیایێ ڤە هاتیە چێکرن و شیانێن تێکدان و ئێخستنا فرۆکەیێن بێ فرۆکەڤان ب رێکا شەپۆلێن کەهرۆمۆگناتیزی و کامیرە و سیستەمێ هنارتن و وەرگرتنێ.
Comments are closed, but trackbacks and pingbacks are open.