بریتانیا و ئەمریکا هوشداری دانە رۆسیا و ئەو وەلات ب وی یەکێ تۆمەتبارکر کو دخوازیت سەرۆکەکێ نێزیکی مۆسکۆ بۆ ئۆکراینا دەستنیشان بکەت.
ئالۆزیێن رۆسیا و ئۆکراینا رۆژ ب رۆژ بەرەڤ مەترسیێ دچن و رۆسیا بەردەوام هێزێ ل سەر سنۆرێ ئۆکراینا کۆم دکەت، وەلاتێن رۆژئاڤا ژی مۆسکۆ ب بزاڤێن داگیرکرنێ تۆمەتبار دکەن.
لیز تراس، وەزیرا دەرڤە یا بریتانیا ئەڤرۆ سپێدێ د تویتەکێ دا گۆت: رۆسیا ب نیازە پەڕلەمانتارێ بەرێ یەفین مۆاریف کو کەسەکێ نێزیکی مۆسکۆ یە و دژی وێ یەکێ یە وەلاتێ وی نێزیکی وەلاتێن رۆژئاڤا ببیت، بۆ پۆستێ سەرۆکاتیا ئۆکراینا بدانیت.
هەروەسا راگەهاندیە: مایتێکرنێن سەربازی یێن رۆسیا شاشیەکا مەزن یا ستراتیژی یە و بریتانیا و هەڤپەیمانێن وێ دێ رۆسیا نەچار کەن بهایەکێ مەزن بدەن.
ژ ئالیێ خۆڤە ژی جۆ بایدن، سەرۆکێ ئەمریکا ئەڤرۆ ل گەل جڤاتا ئاسایشا وەلاتێ خۆ کۆم بوو و هوشداری ژ ئەنجامێن داگیرکاریا رۆسیا دان.
ل سەر تۆمەتێن وەلاتێن رۆژئاڤا رۆسیا بەیانەک بەلاڤ کر و داخواز ژ بریتانیا کر ئێدی وان تۆمەتێن بێ بنەما بەلاڤ نەکەت.
Comments are closed, but trackbacks and pingbacks are open.