ب دەستوری خودێ (. رۆژیێت ئێزی. )
رۆژی گرتن فەرزەکە ژ فەرزێن تەریقەتێ. یا سلتان ئێزی
توویێ ل عەردا وێ ل عسمانا
توویێ ل بەحرا وێ ل بنیانا
توویێ ل زارا وێ ل زمانا
مرازا ئەم ژ تە دخوازن دین و ئیمانە
سلتان ئێزی ڤێ دنیایێ ب کار دئینت
ڤی عەسمانی بێ ستوون رادوەستینت
رۆژیێت ئێزی:.
ئانکو رۆژی گرتن بۆ خودێ مەزن..
رۆژا دووشەمبوویێ ھەر مالەکە ئێزدی سەر برەکێ سەرژێدکەت ھندی قەدر حالێ خۆ.
و ئەم ئێزدی سێ رۆژا ب رۆژیدبن سئ شه مبويئ و چا رشه مبويئ و پينچ شه مبويئ و رۆژا ئینیێ عیدا سلتان ئێزی یە.
و لازمە رۆژی یان عید یەژ کانوونێ بت چونکە کانوون کەونا دنیایێ یە.
ئەڤ سەبەقا قەولی بۆمە خویا دکەت ژ قەولێ مەھا ..
ژ قەولێ فەخرێ زەرگونە
ھەر یەب حەرفە یە ب ناسبونە
بنیاتا ھەر دوازدە مەھا کانونە
ھەر ژ دەسپێکا پەیدابوونا بەشەریێ ئێزدیان بیروباوەرەکا مەزن ب ئێکانیا خودێ مەزن ئینایە.
.
و ل رۆژا سێیێ رۆژا پێنج شەمبوویێ ل گەل رۆژ ئاڤا ( پێرو و تەرازو و قورغ )
ل گەلێک خویا دبن و دچنە ئاڤا
و رۆژا چارێ دێ بتە عيد ..
د باوەر یا مە ئێزدیان دا ھەر کەسێ ئەڤان رۆژیا د گرت ب ناڤێ ئێزینە .
و ئێزی ناڤەکە ل ناڤێت خودێ بەلێ خودێ ھەزار و ئێک ناڤ یێت ھەین
ژ قەولێ ھەزار و ئێک ناڤ بۆ مە ئاشکەرادکەت . سلتان ئێزی ب خۆ پەدشایە و ھەزار و ئێک ناڤ ل خۆ دانایە ناڤێ مەزن ھەر خودایە ****
پەدشایێ من ھەزار و ئێک ناڤە
و ئەڤ دنیا ل با وی سەعەت و گاڤە
ھەر ئەو دزانت ل بەحرا چەند کەشکول ئاڤە
و ل بەستا چەند کەڤر ل ناڤە
ئەوی ھاوە کرە بوک و ئادەم کرە زاڤە ***
سلتان ئێزی نوورا
و ئەو ژ مە نەی دوورا
ئی عالما ب عەرد و عەزمان و بەحرێت کوورا ***
ئەز خوندمە شرورەکێ
و ٣٦٦ عالم وێت کەن خوندنێ
ل سەر سەکنی سلتان ئێزی باقی نوورا ئێکی ب تنێ
ئەڤ سەبەقنە ژ ئەدەبیاتێ ئایینێ ئێزدیاتیێ شەھدەیێ ب ڤێ ھندێ ددەن ، کو ئێزی ناڤەکە ژ ناڤێت خودێ مەزن ..
ھەر وەسا ژ قەولێ زەبوونی مەکسوور ( ئافراندنا کنیاتێ ) دبێژت .
شەھید پێخەمبەر ب وێ کاسێ دبوو مەستە
ئەوی نە پێ ھەبوو نە دەستە
لەو سلتان ئێزی ڕۆناھیەک ل بەر خستە
ئەوی ژ سلتان ئێزی خواست بوو کەرەما
بۆ ھەقیا خودێ ل ھەموو دەما
سێ رۆژی گرتن گۆ فەرزە ل سەر ما
ھەر وەسا ژ قەولێ مەرسوما جەبێرە
ئەڤ ھەر دوو سەبەقە دیار دکەن کو سێ رۆژی فەرزن ژ فەرزێن تەریقەتێ بۆ ئێزدیان.
ل ئاخرەتێ خۆ روو سپی کە
ل دنێ عەبادەتێ زحر بکە
سێ رۆژیا بگرە و فەرزێت خۆ ب جی کە
فەرزێت خۆ ب جیھ کە و دەرباسبە
بەری مرنێ ھەرە لالشێ پێخواسبە
دا ل ئاخرەتێ خێراتە یە ناسب
ئەم دبێژن سورا سلتان ئێزی رۆژیێت وە ھەمووا قەبول کەت.
ئەم دکێمین و خودێ یی تەمامە.
Comments are closed, but trackbacks and pingbacks are open.