ئاوارە نێروەیی
داکو تو بشێی زاروکێن خۆ بێی وەستیان برێڤەببەی بتنێ پێکولا بکە وانا بەختەوەر بکە ژبەرکو دەما هەست دکەن تە دڤێت وانا بەختەوەر بکەی دێ گوهداریا تەکەن و دێ ل ژێر فەرمانێن تە دابن بەلێ پا دێ چەوا زاروکێن خۆ بەختەوەر کەی ئەڤی کاری گەلەك دراڤ لێ ناچیت بەلکو تشتەکێ ژ دراڤی گرنگترین پێ دڤێت تو دشێی جەخت ل سەر حەژێکرنا خو بۆ زاروکێ خۆ بکەی و ڤێ حەژێکرنێ ب سەلمینی ب رێکا سەلماندنا گرنگیەکا تەمام ب وی و گرنگی دان ئەو فاکتەرە یێ زاروک ب بەردەوامیا دەمی حەژێ دکەت بەلێ پا مخابن کێم جاران زاروک ڤێ گرنگیێ دبینن لەوما پتریا جاران زاروک هەست ب گرنگی پێنەدانێ دکەت ڤێجا رادبیت ب سەلماندنا هەبوناخو و سەرنجا دەیبا بێت خۆ بۆ خۆ رادکێشیت برێکا شیماتیا مەدحە کرن ژی باشترین رێکا سەلماندنێ تە بۆ مروڤی کو دیار بکەت کەسێ بەرامبەر گرنگیێ ب ڤی مروڤی ددەت وچ جیاوازیا زاروک و مەزنان نینە د مەسەلا مەدحکرنێ دا ئەڤجا ئەگەر تە ڤیا زاروکێ تە پلێت بلند د تاقیکرنێت دوماهیا سالێ دا بینیت مەدحێت وی بکە و بێژێ تو یێ زیرەکی بەلێ پا ئەگەر تە رەخنە لێ گرت کو یێ لاوازە دخاندنا خودا ئەڤە دێ لاوازیا وی پتر لێ دهێت راستە پێتڤی یە مروڤ هندەک فەرمانان ل سەر زاروکێن خۆ ب سەپینیت بەلێ پا دهەمان دەم دا یا فەرە ئەو فەرمانە ژی د بەرئاقل و مەقبول بن و ژ دلوڤانی و ڤیانێ دبێ بەهر نەبن و د خێزانێن بەختەوەر دا ڤێ چەندێ پێتڤی ب سەپاندنا یاسایان نینە بەلکو ئەندامێن خێزانێ بخو خۆ ڕێک دئێخن لەوما پێکولا بکە جەوەکێ بەختەوەر و خوشیێ بۆ زاروکێن خۆ دابین بکەی و مەدحێت کارێت وانێت باش و وەستیانا وان بکەی ب پەیڤێن دلوڤان و یاریا دگەل وانا بکە و وەل وانا بکە هەست ب پشکداریێ د پروژەیێن خێزانێ دا بکەن و دێ پشتی هینگی بوتە دیاربیت کو پێتڤیبوناتە ب فەرزکرنا سیستەم و یاسایا یا کێم دبیت و کا تو چ ژ زاروکێن خۆ دخازی دێ بوتە جێبەجێ کەن و دەما تو ڤێ رێکێ جێبەجێ دکەی دێ تو خوشیەکا تەمام دگەل زاروکێن خۆ بەی.
Comments are closed, but trackbacks and pingbacks are open.