هژمارەكا وەزارەتێن حكومەتا هەرێما كوردستانێ رەشنڤیسا رێنمایێن ئینانا كرێكارێن بیانی بۆ هەرێما كوردستانێ راستڤە دكەن و گوهوڕینان تێدا دكەن.
ل دۆر وێ چەندێ وەزارەتا پلاندانانێ ب هەماهەنگی دگەل وەزارەتا كار وكاروبارێن جڤاكی و هژمارەكا وەزارەتێن دی یێن پەیوەندیدار، مژویلی داڕێتنا رێنمایێن نوی نە بۆ چەوانییا ئینانا كرێكار و كارمەندێن بیانی بۆ هەرێما كوردستانێ.
ل دویڤ ژێدەرێن ئاگەهدار، وان وەزارەتان لیژنەیەك پێكئینایە بۆ راستڤەكرنا رەشنڤیسا رێنمایان و تێدا ئاوایێ ئینانا كرێكارێن بیانی و مەرجێن مۆلەتوەرگرتنا مافێ مانا بەروەخت ل هەرێمێ دووبارە دێ هێنە داڕێتن.
دارا رەشید وەزیرێ پلاندانانێ د حكومەتا هەرێما كوردستانێ دا گۆت: ئارمانج ژ وێ پێنگاڤێ بۆ پەیداكرنا دەلیڤێن كاری یێن زێدەترە بۆ گەنج و وەلاتیێن هەرێما كوردستانێ، هەڤدەم رێ بهێتە دان مفا ژ دەستێ كاری یێ بیانی و ئەزمون و شارەزایی یا وان بهێتە وەرگرتن.
Comments are closed, but trackbacks and pingbacks are open.