رێژا گەشتیاران بۆ دهۆک کێم بوویە

رێژا گەشتیاران بۆ دهۆک کێم بوویە

زێ بادینان

ل وی دەمێ پەیڤدارێ رێڤەبەرییا گەشت وگوزارا دهۆكێ دبێژیت كو هاتنا گەشتیاران بۆ پارێزگەهێ گەلەك كێم بوویە، قائیمقامێ دۆكان دبێژیت: د رۆژێن جەژنێ دا نێزیكی 100 گەشتیاران سەرەدانا جهێن گەشتیاریێن وێ قەزایێ كرینە.

رێوار محەمەد پەیڤدارێ رێڤەبەریا گشتی یا گەشتوگوزارێ ل پارێزگەها دهوكێ راگەهاند، نێزیكی 900 گەشتیاران ژ خالا سنووری یا نێڤ دەولەتی یا ئیبراهیم خەلیل و سەرزێری یێن هاتینە جهێن گەشتیاری، بەلێ هەتا نۆكە نەهاتیە زانین كا چەند گەشتیار ل پارێزگەهێن دیێن هەرێما كوردستانێ هاتینە.
پەیڤدارێ گەشتوگوزارا دهوكێ گوت: وەكە جهێن گەشتیاری نێزیكی ٢٠٠ جهـ و نێزیكی ٩٠٠ بنگەهێن گەشتیاری ژی ل دهوكێ هەنە بەلێ ژبەر قەدەغەیا هاتن و چونێ ئەڤ سالە رێژەكا زورا كێم یا گەشتیاران هاتینە دهوكێ سەرباری ڤەكرنا ژمارەكا زورا ئۆتێل و موتێلان بۆ خزمەتكرنا وان.

ژ لایێ خۆڤە سیروان سەرحەد قائیمقامێ قەزا دۆكان د پەیڤەكا رۆژنامەڤانی دا دیار كر كو د رۆژێن جەژنێ دا نێزیكی 100 هزار گەشتیاران سەرەدانا جهێن گەشتیاریێن دۆكان كرینە.
گۆت ژی: د رۆژێن جەژنێ دا حالەتەكێ خەندقینێ هاتییە رویدان كو ئەو ژی گەشتیارەكێ عەرەب بوویە و شەش حالەتێن وەرگەڕیانا ترۆمبێلان و چوار لێكدان هاتینە رویدان و چەند كەسەك بریندار بووینە و دوو كەس ژی ژ ئەگەرێ وان رویدانان گیانێ خۆ ژ دەستدایە.