رێڤه‌به‌ریا گشتى یا چاندنێ ل دهۆكێ راگه‌هاند، بارانێن ل ڤان رۆژان بارین كارتێكرنه‌كا ئه‌رێنى لسه‌ر گه‌نمى وبه‌روبومێن چاندنێ یێن ل وه‌رزێ زڤاستانی دهێنه چاندن كریه.
خضر دێوالى عبدالله به‌رپرسێ پشكا پلاندانان و دیفچوونێ ل رێڤه‌به‌ریا گشتیا چاندنێ ل دهوكێ تایبه‌ت بۆ ئاژانسا خانى دیاركر، بارانێن به‌رده‌وام دێ مفایى ل به‌روبومێن چاندنێ كه‌ت ب تایبه‌ت ئه‌و به‌روبومێن كارتێكرن لێ نه‌هێكرن هه‌روه‌سا دیاركر كو نه‌بونا بارانا دێ كارتێكرنێ لسه‌ر جورێ به‌رهه‌مى كه‌ت.
به‌رپرسێ پشكا پلاندانان و دیفچوونێ ل رێڤه‌به‌ریا گشتیا چاندنێ ل دهوكێ ئاماژه ب هندێ ژى كر، د ئه‌فساله‌دا 32%گه‌نم ناهێته درین، ژبه‌ر كێمیا بارانان، به‌لێ ئه‌گه‌ر هات وباران زێده بارین ل رۆژێن داهاتی ره‌نگه ئه‌و رێژه بهێته درین به‌لێ كارتێكرن دێ لسه‌ر جورێ وێ به‌رهه‌می بیت.
گوتژى، دا كومه‌ترسیا هشكه‌سالیێ نه‌مینیت پێدڤیه تێكرایا بارانبارینێ ل ده‌ڤه‌رێن چیایى زێده‌تر ژ 500 ملم بیت وهه‌روه‌سا ل ده‌ڤه‌رێن ده‌شتێ ژ 300ملم ببووریت، داكو ئاڤا ژێر ئه‌ردى زێده‌بیت، ودیاركر كو تا نوكه گه‌له‌ك ژ بیر وكانیان هشك بووینه، وجوتیار نه‌چاربویه 50% چاندنا به‌رهه‌مێ خۆ كێمبكه‌ن،
Comments are closed, but trackbacks and pingbacks are open.