رێڤەبەریا خوەسەر 146 ژن و زارۆکێن چەکدارێن داعشێ ژ کامپێن ل رۆژئاڤایێ کوردستانێ رادەستی تاجيکستانێ کرن.
ل گۆری نووچەیا ئاژانسا «فرانس پرێس»، شاندەکە ژ تاجیکستانێ ب سەرکێشیا بالیۆزێ تاجیکستانێ یێ ل کوێتێ زابدولاهـ زابدۆڤ سەردانا رۆژئاڤایێ کوردستانێ کر و دەستەیا تێکلیێن دەرڤە یێن رێڤەبەریا خوەسەر، 42 ژن و 104 زارۆکێن مالباتێن داعشێ یێن تاجیکستانی کو ل کامپێن رۆژ و هۆلێ دمان، رادەستی شاندی کرن.
جێگرێ هەڤسەرۆکاتیا دەستەیا تێکلیێن دەرڤە یا رێڤەبەریا خوەسەر فەنەر ئەل-گێت د کۆنفەرانسەکە رۆژنامەڤانی دە دیار کر، پشتی مەهەکێ ژ دانوستاندنان ئەو زارۆک و ژنێن داعشێ رادەستی بالیۆزێ تاجیکستانێ یێ کوێتێ هاتە کرن.
بالیۆزێ تاجیکستانێ یێ کوێتێ زابدولاهـ زابدۆڤ ژی گۆت: «دەمەکە، تاجیکستان هەموو تەدبیر و رێکارێن پێویست ژ بۆ ڤەگەراندنا ڤان ژن و زارۆکان بۆ تاجیکستانێ، ب هەڤاهەنگیا ل گەل ئالیێن پێوەندیدار، وەرگرتنە».
تەکەز کر ژی کو بالیۆزخانەیا وەلاتێ وی ل کووێتێ ژ کار ژ بۆ ڤەگەراندنا وەلاتیێن تاجیک ژن و زارۆکێن، کو نها ل کامپێن هۆل و رۆژن، دکە».
کامپا هۆلێ ل باژارێ حەسەکێ، یەک ژ مەزنترین کامپێن سووریێ و رۆژئاڤایێ کوردستانێ یە، رێڤەبەریا خوەسەر چەندین جارن دبێژە کو رەوشا کامپا هۆلێ پێویستیا وێ ب دەستێوەردانەکە ناڤدەولەتی هەیە و دڤێ وەلاتێن جیهانێ وەلاتیێن خوە ژ کامپێ ڤەگەرینن وەلاتێن خوە.
هیومه‌ن رایتس واچ تەخمین دکە زێدەتر ژ 41 هەزار بیانی ژ نەتەوێن جودا کو پرانیا وان زارۆکن، د زیندان و کامپێن رێڤەبەرییا خوەسەر دە
Comments are closed, but trackbacks and pingbacks are open.