رێڤەبەریا پۆلیسێن پارێزگەھا دھۆکێ دەستەسەرکرنا ٤٩ کەسان ب توھمەتا ئەنجامدانا قۆمارێ راگەھاند کو ل دەمێ ڤەکولینێ دانپێدان ب تاوانا خۆ کرینە و چەندین جۆرێن قۆمارێ کرینە.
ھێمن سلێمان پەیڤدارێ پۆلیسێن دھۆکێ دراگەھاندنەکێدا دیار کر : دماوێ ڤێ حەفتیێ دا ھێزێن پۆلیسان ل چەند جھێن جودا جودا یێن پارێزگەھا دھۆکێ ٤٩ کەس ب تۆھمەتا ئەنجامدانا قۆمارێ دەستەسەرکرینە و ھەمی لدویڤ مادێ ٣٨٩ یێ یاسایا سزادانا عیراقی ھاتینە گرتن .
دیار ژی کر : ٢١ کەس ژ تۆھمەتباران ژلایێ تیمێن پۆلیسێن چالاکیێن مەدەنی ھاتینە دەستەسەرکرن و ١٧ کەس ژی ژلایێ بنگەھێ پۆلیسێن سەرھەلدان ھاتینە دەستەسەرکرن .
گوت ژی : بنگەھێ پۆلیسێن نەورۆز شیاینە دەست ب سەر ٩ لاپتۆپاندا بگرن و خودانێن وان ژی دەستەسەرکرینە کو بۆ قۆمارا سیستەمی دھاتنە بکارئینان و دوو تۆھمەتبارێن دی ژی ژلایێ پۆلیسێن چالاکیێن مەدەنی ھاتینە دەستەسەرکرن .
Comments are closed, but trackbacks and pingbacks are open.