رێڤەبەریا گشتیا هاتن و چوونل عێراقێ ڕاگەهاند، دێ بزاڤان کەین یاسایا گشتی یا هاتن و چوونێ لسەرتاسەری عێراقێ و دکەڤانێ ڕەشنڤێسا یاسایەکا نویا هاتن و چوونێ دناڤبەرا بەغدا و هەولێرێ دا بکەینە ئێک.
ئەڤرۆ شەمبیێ، تارق ئیسماعیل روبەیعی رێڤەبەرێ گشتیێ هاتن و چوونا عێراقێ ڕاگەهاند، رێڤەبەریا وان مژیلی ئامادەکرنا ڕەشنڤێسێ یاسایەکا نوی نە ب ئارمانجا یەکخستنا یاسایا هاتن و چوونێ لسەرتاسەری عێراق ب هەرێما کوردستانێ ڤە.
ئاماژە ب وێیەکێ ژی کر، پێنگاڤ ژی دێ د کەڤانێ هەموارکرنا یاسایا ژمارە (٨) یا سالا ٢٠١٩ێ دا هاڤێژن.
تارق ئیسماعیل روبەیعی بەحسا وێیەکێ ژی کر، یاسایا نوی رێننمایێن هاتن و چوون و غەرامە و رسومات و تۆمارکرنا ترۆمبێلێ ژی ڤەدگریت.
بەحسا وێیەکێ ژی کر، سەرۆکایەتیا رێڤەبەریا گشتی یا هاتن و چوونا عێراقێ دێ لژنەیەکێ پێکئینیت بۆ ئامادەکرنا ڕەشنڤێسا یاسایێ کو پێداگریێ دکەت لسەر ئاسانکاریان بۆ شۆفێرێن کو ئاریشە د تۆمارکرنا ترۆمبێل و بارهەلگران و پێدانا غەرامەیان هەیە ل پارێزگەهێن هەرێمێ و بەروڤاژی.
Comments are closed, but trackbacks and pingbacks are open.