رێڤەبەرییا ساخلەمییا ئاکرێ راگەهاندنەک به‌لاڤكر
رێڤه‌به‌رییا ساخلەمییا ئاکرێ ب هه‌وه‌كا دانانا ڤاكسینێ بۆ زارۆكێن ژییێن وان ژ ئێك رۆژى هه‌تا پێنج سالى ل هه‌موو گوندێن سنۆرێ قه‌زا ئاكرێ رابیت.

رێڤەبەرییا ساخلەمییا ئاکرێ راگه‌هاند، ب هەماهەنگی دگەل رێڤەبەرییا کاروبارێن خوه‌ پاراستنا ساخلەمییا دهوکێ و رێکخراوا یونسێف دێ رابن برێڤەبرنا هەوەکا دانانا ڤاکسینا بو زاروکێهن ژیێ وان (1) روژی هەتا (5) سالی، هەر زاروکەکێ ژڤانێ وی یێ وەرگرتنا ڤاکسینی ب سەرڤەچووبیت دێ ڤاکسین بو هێنە دانان داکو ژ نەخوشیان بهێنه‌ پاراستن.

دیارژى كر، رێڤەبەرییێ 21 تیمێن گەروك پێكئیناینە کو دێ سەرەدانا هەموو گوندێن سنورێ قەزا ئاکرێ کەن، داکو زاروکان ڤاکسین بدەن، و داخواز ژ خەلکێ ناڤ سەنتەرێ ئاکرێ دكه‌ت هەر زاروکەکێ ژڤانێ وی یێ وەرگرتنا ڤاکسینێ هاتبیت بیت یان بسەرڤە چووبیت سەرەدانا بنگەهێن وان یێت ساخلەمییێ بکەن داکو ڤاکسین بو بهێتە دانان.

رێڤه‌به‌رییا ساخله‌مییا ئاكرێ ئاماژه‌ ب هندێ دا، ئه‌و داخوازێ ژ دایك و بابێن هێژا دکەن دگەل تیمێن وان دهاریکار بن و کارتا ڤاکسینا یا زاروکێن خوه‌ به‌رهه‌ڤبكه‌ن، داکو زاروکێن وان بهێنە ڤاکسیندان.

دهێته‌ زانین سوباهی روژا ئێك شەمبی رێکەفتی 18/12/2022 دێ دەست ب هەوا ڤاکسیندانانێ هێتە کرن و دێ بو ماوێ (10) روژان یا بەردەوام بیت، و تیمێن گەروك یێن ڤاکسیندانانێ دێ سەرەدانا هەموو گوندا کەن داکو زاروکا ڤاکسین بدەن و ژ نەخوشیان بهێنە پاراستن.