ھەوالگیریا لەشکەری یا ئیراقێ د داخویانیەکێ دا راگەھاند، پشتی چاڤدێرییا سێ مەھان و کۆمکرنا زانیارییان، ئەمیرێ داعشێ یێ ب ناڤێ «یاسین سوکر محەمەد عززی» یێ ب کۆدناڤێ (ئەبو قوتادە) ل باشوورێ کەرکووکێ ھات کوشتن.
دیار کر ژی، ئەبوو قوتادە کو وەک ئەمیرێ نیشانڤانێن داعشێ دھات ناسکرن، د ئۆپەراسیۆنا ھەڤبەش یا ھێزێن رێڤەبەرییا ھەوالگیرییا لەشکەری و دەزگەھا دژە تەرۆرێ دا ل گەلیێ ئەل – شای ھاتە کوشتن.
رێڤەبەرییا ھەوالگیرییا لەشکەری ئاشکەرە کر ژی، دو چەکدارێن دی یێن داعشێ ژی ل دەڤەرا بۆمحەمەد ل گەلیێ ئەل – شای د کەمینەکێ دا بریندار بوون.
ژ ئالییەکی دی ڤە، شانەیا راگەھاندنێ یا ئەولەکارییا ئیراقێ راگەھاند، بەرپرسێ کو پەرەیان بۆ مالباتێن داعشێ یێن ل پارێزگەھا کەرکووکێ بەلاڤ دکەت ژی، ھاتە دەستەسەر کرن.
Comments are closed, but trackbacks and pingbacks are open.