وەزارەتا باژێرڤانی و گەشتوگوزارێ رادگەھینیت، پرۆژێ ئاڤا ئیفرازی ٣ ل باژێرێ ھەولێرێ ھاتە بگەرئێخستن و پرۆسەیا بەرھەمئینان و دابەشکرنا ئاڤێ دێ ئاسایی بیتن و ددەمێ چەند دەمژمێرێن ئایندە ژی دا ھەردوو پرۆژەیێن ئیفرازی ١ و ٢ دێ دەست ب بەرھەمئینانا ئاڤا پاقژ کەن.
ئەندازیار ئاری ئەحمەد، رێڤەبەرێ ئاڤ و ئاڤەرویان ل وەزارەتا باژێرڤانی و گەشتوگوزارێ راگەھاند: پشتی چەند رۆژەکان ژڕاگرتنا پرۆژەیێ ئاڤا باژێرێ ھەولێرێ کو ب ئەگەرێ بلندبوونا رێژا شێلیبوونا ئاڤا زێیێ مەزن ھاتبوو ڕاگرتن، دنھدا پرۆژەیێ ئیفرازی ٣ ل باژێرێ ھەولێرێ ھاتە بگەرئێخستن و ھەر ئەڤرۆ ژی پرۆسەیا بەرھەمئینان و دابەشکرنا ئاڤا پاقژ دێ بۆ وان تاخان ھێتە بەردان یێن دکەڤنە سەر سنورێ ئیفرازی ٣ ، کو بتنێ ئەو پرۆژەیە ٨٠% دێ ئاریشەیا ئاڤێ چارەسەر کەت.
سەبارەت کارکرنا ھەردوو پرۆژەیێن ئیفرازی ئێک و ئیفرازی دوو، رێڤەبەرێ گشتیێ ئاڤ و ئاڤەرویان ئاشکەرا دکەت،” ددەمێ چەند دەمژمێرێن ئایندەدا ھەردوو پرۆژە دێ ھێنە بگەرئێخستن و ئاریشەیا کێمیا ئاڤێ ل باژێرێ ھەولێرێ دێ چ چارەسەربیت کو چەند رۆژن ب ئەگەرێ شێلیبوونا ئاڤا زێیێ مەزن ئەو پرۆژەیە ھاتبوونە ڕاگرتن”.
Comments are closed, but trackbacks and pingbacks are open.