ل قەزا شارەبان یا سەر ب پارێزگەها دیالاڤە زارۆكەكێ تەمەن (13) ساڵی ژئەگەرێ ئەشكەنجێ لسەر دەستێ باب و ژنبابا خۆ هاتە كوشتن.
ژێدەرەكی ژ ڕێڤەبەرییا پۆلیسێن پارێزگەها دیالا ڕاگەهاند، ئەو زارۆكە چەندین جارا بدەستێ ژنبابا وی هاتییە ئازارادان، ل دووماهیێ بابێ وی ئەو دژوورەكێ ڤە ل سەر بانی بۆ ماوێ چەند ڕۆژا هێلایە بێ خوارن و ڤەخوارن و دئەنجامدا گیانێ خۆ ژدەستدا، ژلایێ خۆڤە پۆلیسێن قەزا شارەبان ئەو زەلامە و هەڤژینا وی دەستەسەر كرینە و ڤەكۆڵین دگەلدا دهێنە كرن.
ل گورەی زانیاریێن وی ژێدەرێ پۆلیسێن دیالا بەڵاڤكرین، ل پێشی ماوەكی دایك و بابێن وی ژێك جودا بوویین، دایكا وی ل باژاڕێ كەركوك شووكرییە و چەندین جاران داخوازا زارۆكێ خۆ دكر، بەلێ بابێ وی ڕازی نەبوو زارۆكی ڕادەستی دایكا وی بكەت.
Comments are closed, but trackbacks and pingbacks are open.