پشتی کو گەنجەکی ل هەولێرێ نێزیکی ملیۆنەکا دۆلاری یێن چەند وەلاتیان برین و د رەڤیت، خۆدان قەر د چنە سەر مالا وی و دەرمانخانێ تالان دکەن.
ئێڤاریا رۆژا پێنجشەمبی، پشتی نووچەیێ رەڤینا گەنجەکێ ئاکنجیێ باژێرێ هەولێرێ بەلاڤبووی، کو دهێتە گوتن زێدەتر ژ ملیۆنەکا دۆلاری یا وەلاتیان برینە.
وی گەنجی ل دەرمانخانەیا قەبەس کار دکر، کو برایێ وی خۆدانێ وێیە و مۆلەتا دەرمانخانەیێ ژی ب ناڤێ نوژدارەکێ بناڤودەنگێ هەولێرێیە.
چالاک کەریم نوێنەرێ لقێ هەولێرێ یێ سەندیکا دەرمانسازێن کوردستانێ بۆ ئێن ئاڕ ت ڕاگەهاند، “هەیا نها یا زەلال نینە وی گەنجی چەند پارە برینە”، ئەوژی دیارکریە ئەو پارەیێن برین ب تنێ د بوارێ دەرمانان دا نەبوون ترۆمبێل ژی ئیناینە.
دەربارەی ئەو کەسێن دەرمانێن وان تالانکرین، نوێنەرێ لقا هەولێر یا سەندیکا دەرمانسازێن کوردستانێ، دیارکریە، “زێدەتر ژ چەند کەسان ئەو کارە کریە، ددەمەکیدا وی گەنجێ برایێ وی د بێژیت پارەیێ وی ژی بریە”.
ب گوتنا برایێ زریانی، ئەو ژی قوربانینە و حەفت دەفتەر برینە، ژبلی تالانکرنا دەرمانخانەیێ.
دەرمانخانەیا قەبەس دکەڤیتە تاخێ هەولێرا نوی ل باژێرێ هەولێرێ.
گەنجەک ب زریان هەورامی خۆ دایە نیاسین، هەڤکارێ نوژدارێ دەرمانسازبوو.
Comments are closed, but trackbacks and pingbacks are open.