زمانێ کــــــوردی

زاراوەی کوردین زازا و سۆرانی
چ ، لوڕ و کەڵوڕ ، یا هەورامانی

چ، بادینی بێ ، کرمانجی سەرو
پاراستنی زمان ئامانجی هەمو

بە کوردی پاراو یەکتر بدوێنین
کوردی بنوسین کوردی بخوێنین

پیتی ، بە پیتە لای گەورەو وردی
شیرین و پیرۆزە زمانی کوردی

فەرهەنگ پارێزبن وەک پاراستنی خاک
کەلتوری ڕەسەن تا بەرگ و پۆشاک

زمانی کوردی پێناسەمانە
ژینگەی نیشتمان هەناسەمانە

بەهۆی کوردبونمان زۆرمان دی زیللەت
گشت پارێزەرین بۆ شکۆی میللەت

، زمانی کوردی ، هێمای بونمانە
ئاتەشگەی نەورۆز ئاسۆی ڕونمانە

ووشەو زاراوەی کوردی ڕەوانە
زمانی کوردی مۆرکی هەموانە

یادیان پیرۆزکەین لە هزرو بیرمان
مێژووی شانازی باوک و باپیرمان

زمانی دایکی خۆم هەرگیز ناگۆڕم
لای خواش بە کوردی دەدوێم لە گۆڕم

غالب حەساری 20 2 2022