داخوازیا موقته‌دا سه‌در، سه‌ركردێ ره‌وتا سه‌در، بۆ هه‌لوه‌شاندنا ڤێ خۆلا جڤاتا نونه‌رێن عیراقێ و ئه‌نجامدانا هه‌لبژارتنێن بێش وه‌خت، دناڤخویا عیراقێ دا كارڤه‌دانێن مه‌زن هه‌بوون و زوربه‌یا سه‌ركردێن سیاسى پشته‌ڤانیا خوه بۆ گو‌تارا سه‌درى راگه‌هاند.
ئه‌و سه‌ركرده‌یێن پشته‌ڤانیا خوه بو بۆچوونا سه‌درى دیار كرین بو دوباره‌كرنا ئه‌نجامدانا هه‌لبژارتنان ئه‌ڤێن ل خوارێ نه:
هادى عامرى، سه‌رۆكێ هه‌فپه‌یمانیا فه‌تح.
خه‌میس خه‌نجه‌ر، سه‌رۆكێ هه‌فپه‌یمانیا سه‌روه‌ریا سوننان.
حه‌یده‌ر عه‌بادى، سه‌رۆكێ هه‌فپه‌یمانیا نه‌سر.
ئه‌یاد عه‌لاوى، سه‌رۆكێ هه‌فپه‌یمانیا نیشتیمانى.
دهه‌مان ده‌م دا نوورى مالیكى سه‌رۆكێ هه‌ڤپه‌یمانیا ده‌وله‌تا یاسا، كو دیارترین سه‌ركرده د ناڤ چارچوڤێ هه‌ماهه‌نگیێ دهێته نیاسین، داخوازا دانوستاندنێن جددى دكه‌ت. و ئه‌و دبێژیت: دانوستاندنێن جددى كو ببنه ئه‌گه‌رێ چاره‌سه‌ریا ناكوكیان.
دهێته زانین بو ماوێ چه‌ند رۆژانه لایه‌نگرێن ره‌وتا سه‌درى مانگرتنا دناڤ ئاڤاهیێ جڤاتا نونه‌رێن عیراقێ دا گرتیه. ئه‌ڤێ چه‌ندێ گرژى و ئالوزیه‌كا مه‌زن د پروسێسا سیاسى یا عیراقێ دا په‌یداكریه.
Comments are closed, but trackbacks and pingbacks are open.