شورەش ڕەشید هەرکی
ل دەست پێکی زۆر سوپاس بۆ خودایێ مەزن و دلۆڤان و بۆ ڤەکرنا مێشکێ مرۆڤی بۆ ڤان زانستێن گرنگ ،خودێ زانایە و خالقێ عەردو و عەسمانایە
ل رۆژا ٢٥،٢٦،٢٧ تاکۆ ٢٩ هەیڤا شەش دڤان ڕۆژانە دا زانایێن جیهانێ هەمی مەندەهوش بوون ب ڕویدانەکا سەیرا گەردوونی،زانایان پێشبینییا کەڤتنا نەیزەکەکا مەزن دکر کۆ بەر ڕوویێ عەردی بکەڤیت ،و گەلەک ژ هندێ د ترسیان ،بەلێ ئەوا وان چاڤەرێکری ڕوینەدا،خراپتر ڕویدا ل رۆژا ٢٩/٦/٢٠٢٢ ژ نشکەکیڤە عەرد بلەزتر و ب لەزاتیەکا زێدەتر ژ قەبارە و لەزاتییا خۆیا بەرێ زڤری
و ئەڤ رۆژە ب کورترین رۆژ هاتە تۆمارکرن د زانستێ جوگرافیایێ دا
لەوڕا من نەڤێت گەلەک بابەت درێژ بیت داکۆ بێزار نەبن
دێ لدیڤ هێز و شیان و ماندیبوونا خۆ وەڵاما هندەک پرسیارێن گرنگ ب کورتی و پۆختی، وەڵام دەم
١-سەبارەت ب پرسیارا ئێکی بۆچی ئەڤ سالە عەرد بلەزتر دزڤریت ل سالێن بوریدا؟پشتی من دیڤچوونەکا مەزن کری بۆمن دیاربوو کۆ کاودانێن کەش و هەوای و گوهورینا وی و پیسبوونا هەوای ئانکۆ ب گشتی پیسبوونا بەرگێ گازی یا بوویە ئەگەرەکێ گرنگ بۆ زێدەتر لڤینا عەردی ل ساڵێن بووریدا.
٢-بۆچی رۆژێن سالا ٢٠٢٢ کورت بووینە؟
بۆمە دیار بوو دەمێ بەرگێ گازی بەرەف پیسبوونێ چووی و کەش و هەوا هاتییە گوهورین،ئەکید لەزاتییا عەردی دێ زێدەبیت،دەمێ لەزاتییا عەردی زێدەبوو،رۆژ دێ کورت بن،هندی لەزاتییا عەردی زێدەبیت رۆژ دێ کورت بن هندی لەزاتییا عەری کێم بیت رۆژ دێ درێژ بن.
٣-بۆچی رۆژا ٢٩/٦/٢٠٢٢ ب کورتترین رۆژ د مێژوویا زانستێ جوگرافیێ دا هاتە تۆمارکرن؟هەر وەکی یا دیار ئەڤ رۆژە دکەڤیتە د وەرزێ هاڤینی دا لەورا لە وەرزێ هاڤینی ژی دا رۆژ درێژ دبن و شەڤ دکورت ،بەلێ پشتی زێدەبوونا لەزاتییا عەردی رۆژ ل وەرزێ هاڤینی کورت بوون و شەڤ یێ بەرەڤ درێژیێ ڤە دچن.
٤-ئەرێ ئەگەر لەزاتییا عەردی یا جهگیر نەبیت دێ چ ڕوویدەت؟
لدیڤ بووچونێن زانایان و بۆچونێن ئەرینی یێن جیهانێ ددەنە دیارکرن ئەگەر لەزاتییا عەردی سال ب سال زێدەتر بوو دێ رۆژ کورت تر بن و ئەگەرەکی دی ژی رەنگە لەزاتییا عەردی بگەهیتە رادەیەکی ب شێوەیەکی کێم مرۆڤ هەست پێ بکەن،ئەڤە ژی دێ بیتە ئەگەرێ هندێ کارەساتێن مەزن ڕووی بدەن .
٥-ئەرێ دبیت چارەسەرییا لەزاتییا زڤرینا عەردی ج بیت؟ و چاوا ناهێلین ئەڤ لەزاتییە زێدەتر بیت؟
دەست پێکی چارەسەریا هەر تشتەکی ل گەردوونی یا ددەست خۆدایێ مەزن و دلۆڤان دا بەلێ لدیڤ جارەسەریێن زانستی دڤێت ژلایێ مرۆڤی ڤە رێژەیا کارگەهان و پێشەسازییان ل جیهانێ دا ب گشتی کێم بیت، داکۆ ئوکسجین زێدەتر نەبیت،چۆنکی ئەگەر ئوکسجین زێدەتر بوو سال ب سال ژلایێ ساخلەمی ژی ڤە دی ب زەحمەت تر ئوکسجینێ هەلمژین،ئانکۆ هەناسەدان دێ یا ب زەحمەت بیت.
Comments are closed, but trackbacks and pingbacks are open.